Mateo 7:14 - U Maganda A Baheta Ni Jesu-Cristo

¹⁴ Pero mapiit u pintuwan sakay mahirap u dilan a tamo ti langet. Kanya sasangan la a tolay u maketa ti iye.”

Mateo 7:14 ပူးပေါင်းရင်းမြစ်များ

Mateo 20:16

Kaya kinagi ni Jesus “U nedimodyan ay mágdipalongo sakay u nágdipalongo ay medimodyan.”

Mateo 22:14

Kaya kinagi ni Jesus “Dipo makpal u nadulawan pero sasangan u mapili.”

Mateo 7:13

Kinagi pa ni Jesus “Sumaddáp kam tu mapiit a pintuwan nu langet dipo malawa u pintuwan sakay alisto a lakadán u dilan a tamo ti impiyerno. Makpal u dumilan ti itod a dilan.

Mateo 7:15

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide.

Markos 8:34

Pinaadeni ni Jesus u tolay hide pati u disepulus na hide sakay kinagi na nide, “Ni ti deyaman u masoh a sumunud nikán ay awan na dapat idipalongo u sadile na, sakay nakahanda a maghirap maskin hanggan tu kamatayan sakay sumunud nikán.

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 9:32

Bakin awan hide nagtagumpay? Dipo nagtiwala hide tu gimet de sakay awan hide simmampalataya ni Jesu-Cristo. Nehakpa hide tu bito a kákkehakpaan.