Mateo 6:34 - U Maganda A Baheta Ni Jesu-Cristo

³⁴ Kanya dyan kam mabalisa tu pangangailangan moy para ni ilaw dipo bahala be u Diyos hod. Dyan moy dán dagdagen pa u problema moy kada aldew.”

Mateo 6:34 ပူးပေါင်းရင်းမြစ်များ

Mateo 6:11

Atádden mo kami ped tu pangangailangan me aldew aldew.

Mateo 6:25

Kaya itoldu ko nikam a dyan kam maligalig tu pangangailangan nu biyag moy a konna ti kanán, inumán, sakay badu. Awan beman mas mahalaga u biyag nan tu makan sakay mas mahalaga u bággi nan tu badu?

Mateo 6:27

Sakay maare beman pakatakdugán nu balisa u biyag moy?

Lukas 10:41

Pero kinagi nikuna nu Panginoon, “Marta, Marta, grabi ka ti kábbali-balisa tu sari-sare a bagay,

Lukas 11:3

Atádden mo kame nakwa ti makan me aldew-aldew.

Lukas 12:11

Kapag ni inyangay dikam tu sinagoga oni tu atubang nu puno hide sakay tu tehhod hide a mataas a katungkulan para akusaan dikam, dyan kam mabalisa tu itábbeg moy oni u ánya man a kagiyán moy,

Lukas 12:22

Kinagi pa ni Jesus tu disepulus na hide, “Kaya kagiyán ko nikam: dyan kam mabalisa tu makan para mabiyag kam oni tungkul tu damit a mesulot moy,

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Filipos 4:6

Dyan kam mabalisa tu ánya man a bagay. Nan agidán moy tu Diyos u atanan nu kailangan moy tu pamamag-itan nu págdasal a tehhod a págpasalamat.

1 Pedro 5:7

Ipebahala moy tu Diyos u atanan a kabalisaan moy hide dipo siya u mángmalasakit nikam.