Mateo 6:33 - U Maganda A Baheta Ni Jesu-Cristo

³³ Kanya hikam ay idipalongu moy u pághare nu Diyos tu biyag moy sakay sunudán u atanan a kautusan na. Dipo ni gimitán moy ina ay iyatád be nu Diyos u atanan a kailangan moy.

Mateo 6:33 ပူးပေါင်းရင်းမြစ်များ

Mateo 19:28

Kinagi nide ni Jesus, “Pakatandaan moy iye: ni maghare dán u Anak nu Tolay tu kapangyariyan na tu paddemát a mundo a itatag nu Diyos, hikam a sumunod nikán ay maatádden labe ti kapangyariyan para hatulan u sapulo ay ti duwwa a lahi ni Israel.

Mateo 19:29

Sakay ni deya man u manglakad tu bilay na, kapatkaka na hide, ama sakay ina na hide, anak na hide, oni u luta na hide para nikán ay makatanggap be ti pendatos a beses tu linakaden na. Sakay pagkalooban siya ti biyag a awan ti katapusan.

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 4:17

Hod ti Capernaum ay nagsapul ti Jesus a magtoldu. Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 5:6

Pinagpala nu Diyos u tolay hide a masoh a tahod a manggimet tu kaluuben nu Diyos, dipo hide u tulungan nu Diyos tánni magimet de u kaluuben na.

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Lukas 12:31

Kanya pilitán moy a paghariyan kam nu Diyos, sakay iyatad na nikam u atanan a kailangan moy hide.”

Juan 5:4

Áuhayán de a magahikad u dinom, dipo ni minsan ay umogsad u essa a anghel nu Diyos sakay labugán na u dinom. U dipalongo a makatabsung tu dinom ay maghusay maski ni ánya u saket na.

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Gimet 20:25

Nákpággagumák nikam mentaras a mangaralák tu pághare nu Diyos. Nadid, tukoy ko a awanák moy dán ketan a huway.

Gimet 28:31

Mabegsák u isip na sakay malaya siya a nangaral tungkul tu pághare nu Diyos sakay tungkul tu Panginoon Jesu-Cristo.

Roma 1:17

Dipo impeta nu Maganda a Baheta ni kodya a magin matuwid u essa a tolay, sakay ibilang a awan ti kasalanan tu pamamag-itan nu pánnampalataya a ayun tu nesulat tu Kasulatan, “U tolay ay imbilang nu Diyos a awan ti kasalanan dipo tu pánnampalataya ay mabiyag.”

Roma 10:3

Dipo awan de tukoy ni kodya u pángbilang nu Diyos a awan ti kasalanan u essa a tolay. Nagsikap hide a maggimet ti sadile de a pamamaraan, nan sumunud tu pamamaraan nu Diyos.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 8:31

Nadid, ni isipán tam u atanan a mágkaganda a bagay a ginimet nu Diyos para nikitam dapat konna he u makagi tam: Ni u Diyos ay kakampe tam tideya u magtagumpay kontara nikitam?

1 Corinto 1:30

Siya u naggábwatan nu biyag moy nadid dipo tu pákpagkaessa moy ni Cristo Jesus. Nikuna tam a natukuyan u karunungan nu Diyos dipo nikuna sakay tu ginimet na tu kudus ay inturing kitam nu Diyos a matuwid, dipo pinatawad na dán u kasalanan tam. Imbilang kitam nu Diyos a banal sakay pinalaya na kitam gábwat tu kasalanan sakay inligtas na kitam.

1 Corinto 3:22

hikán a ti Pablo, Apolos, sakay ti Pedro ay inyatád na para nikam. I munduway, u biyag, u kákkatay, sakay u panahun nadid sakay tu dumemát a panahun, iye a atanan ay neatád nikam para tu kapiyaan moy.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

2 Tesalonica 1:5

Nadid u matibay a kassampalataya moy, ay saina u katunayan a tama u hatul nu Diyos. U keangayan ni ina a hirap moy, ay gimitán kam nu Diyos a karapat-dapat a pasakup tu kahariyan na. Kanya u págtiis moy nadid, ay alang-alang tu kahariyan na.

1 Timoteo 4:8

Dipo u págsanay tu bággi ay tehhod a pakinabang, pero u págsanay tu kabanalan ay mas dakál u pakinabang, bakán la tu biyag nadid nan pate tu biyag a pademát.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.

2 Pedro 1:11

Ni konna hod ay masaya u Diyos a mangpasáddáp nikam tu awan ti kahád a kahariyan nu Panginoon sakay tagapagligtas tam a ti Jesu-Cristo.