Mateo 6:25 - U Maganda A Baheta Ni Jesu-Cristo

²⁵ Kaya itoldu ko nikam a dyan kam maligalig tu pangangailangan nu biyag moy a konna ti kanán, inumán, sakay badu. Awan beman mas mahalaga u biyag nan tu makan sakay mas mahalaga u bággi nan tu badu?

Mateo 6:25 ပူးပေါင်းရင်းမြစ်များ

Mateo 10:19

Dyan kam mabalisa ni kodya kam a magupos oni ánya i ikagi moyay, dipo káddemát nu odas ay ipaisip nu Diyos u ikagi moy.

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Mateo 6:31

Kanya dyan kam mabalisa tu kanán, inumán sakay tu isulot moy.

Mateo 6:34

Kanya dyan kam mabalisa tu pangangailangan moy para ni ilaw dipo bahala be u Diyos hod. Dyan moy dán dagdagen pa u problema moy kada aldew.”

Markos 13:11

Ni dakáppán dikam sakay bistaán ay diyan kam manteng tu kagiyán moy. Dipo ti itod a odas ay tulungan kam nu Banal a Ispirito ni ánya i dapat moyay a kagiyán.”

Markos 4:19

pero dipo tu kabalisaan ti biyag, págmahal tu pilak, oni kákkasoh tu sari-sare a bagay, u Upos nu Diyos ay nawan tu puso de kanya awan iye nagbunga.

Lukas 12:11

Kapag ni inyangay dikam tu sinagoga oni tu atubang nu puno hide sakay tu tehhod hide a mataas a katungkulan para akusaan dikam, dyan kam mabalisa tu itábbeg moy oni u ánya man a kagiyán moy,

Lukas 8:14

U nesabug tu kasaetan ay u tolay hide a nágsaneg tu upos na pero tu kalayan ay dinaig hide nu kákkabalisa de ti biyag, kákkasoh ti kayamanan sakay págsasaya tu magkadukás hide a bagay. Kanya awan hide lummagu tu pánnampalataya de.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

1 Corinto 7:32

Gusto takam a meadeyo tu pakánbalisa. U pággaabalaan nu lállake a awan ti kabanga ay u gawain hide nu Panginoon sakay ni kodya siya a makasaya nikuna.

Filipos 4:6

Dyan kam mabalisa tu ánya man a bagay. Nan agidán moy tu Diyos u atanan nu kailangan moy tu pamamag-itan nu págdasal a tehhod a págpasalamat.

2 Timoteo 2:4

Dapat ay konna ka tu essa a sundalo a awan mák-alam tu bagay hide a awan ti kaugnayan tu pagigin sundalo. Nan pagsikapan na a mapasaya u pinuno na.

1 Pedro 5:7

Ipebahala moy tu Diyos u atanan a kabalisaan moy hide dipo siya u mángmalasakit nikam.