Mateo 6:23 - U Maganda A Baheta Ni Jesu-Cristo

²³ Pero ni te diperensiya u mata moy ay madihaman u atanan a bággi moy. Kanya ni u simbuwan a atoy niko ay madukás, ay grabe a tahod u kadukássan mo.”

Mateo 6:23 ပူးပေါင်းရင်းမြစ်များ

Mateo 20:15

Awan beman karapatan ko a gimetan u gusto ko tu ari-arian ko? O makay sumeni ka la tu kabaitan ko?’”

Mateo 6:22

Sakay intoldu pa ni Jesus “U mata u pinakasimbuwan nu bággi, kaya ni awan ti diperensiya u mata moy ay mademlagan be u atanan a bággi moy.

Markos 7:22

mangilállake, managhile, sakay pángloko, sakay mágkahalay, pághambug, sakay tu iba a gimet a madukás.

Lukas 11:34

U mata mo u pinakangsimbu tu bággi mo. Ni maganda u pangileng mo ay mademlagan u bággi mo. Pero ni mahabuhab u pangileng mo ay madiham labe u bággi mo.

Lukas 8:10

Timmábbeg ti Jesus nide, “Inatádden kam nu Diyos ti karunungan tán matukuyan moy u lihim hide tungkul tu pághare na. Pero u agum ay tu pamamag-itan nu talinhaga hide tánni: ‘Maski umileng hide ay awan hide ti ketan; sakay maski mágsaneg hide ay awan hide ti maintendiyan.’ ”

Roma 1:22

Kagi de a mágkalalake hide, pero u tatahoden ay awan hide ti katuko-tukoy.

1 Corinto 2:14

Dipo u tolay a awan u Ispirito nu Diyos nikuna ay umád a tumanggap tu kaluub hide a gábwat tu Ispirito nu Diyos. Para nide, awan iye ti kabuluhan sakay awan de maintendiyan, dipo awan nide u Ispirito nu Diyos a mangdemlag tu isip de.

Efeso 4:18

Sakay awan hide ti pang-intendi. Dipo awan hide ti tukoy sakay mágkaigát u ulo de, awan hide ti bahagi tu biyag a impagkaluub nu Diyos.

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

1 Juan 2:11

Pero u maiyamut tu kapatkákka na ay katoy padla tu kadiklámman. Maglakad padla siya tu kadiklámman sakay awan na tukoy u tamuwan na, ta binuhák siya nu kadiklámman.