Mateo 6:2 - U Maganda A Baheta Ni Jesu-Cristo

² Kanya ni mangatád kam tu mágkahirap hide ay dyan moy ihambug tu agum. Ina u gággimitán nu mapagkunware hide a tolay tu sinagoga hide sakay tu kakarsada tánni puriyán hide nu katolayan. Ikagi ko nikam a talaga natanggap di dán u gantimpala de. Awan dán hide ti gantimpala a gábwat tu Diyos.

Mateo 6:2 ပူးပေါင်းရင်းမြစ်များ

Mateo 15:7

Mapagkunware kam. Tama u hula ni propeta Isaias tungkul nikam. Kinagi nu Diyos tu pamamag-itan na tu itod pa a

Mateo 16:3

Sakay ni ti dimadimang a tahod ay kagiyán moy a ‘Maguden nadid dipo madiklám u langet.’ Matukuyan moy u palatandaan ti langet pero awan moy natukuyan u palatandaan hide tu kasalukuyan a panahun.

Mateo 22:18

Pero tukoy ni Jesus u plano de a madukás kanya kinagi na, “Mapagkunware kam! Bakin gustowák moy a linlangán?

Mateo 23:5

Puro a pagpakunware u gimet de hide. Pinalabang de u págdattonan de ti bersikulo de sakay pinaatakdug de u garayan nu damit de hide para mapansin hide nu tolay a mágserbi hide tu Diyos.

Mateo 23:6

U gugusto di ay hide u paetnudán tu págetnudan a para tu mataas a tolay tu handaan sakay u pinakanimportante a lugar tu sinagoga hide.

Mateo 24:51

Grabe a higpit u magin parusa nu amo ti alipin an itod. Iyangay siya tu lugar a kaguman u mapagkunware hide. Hod hide a maghirap a tahod sakay mággaadoyán.”

Mateo 5:18

Pakatandaan moy iye, hanggan atoy pa u langet sakay u luta ay matupad u atanan a nesulat tu Kautusan.

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:3

Kanya hikam ni mangatád kam dyan moy ikagi maski ni ti deya.

Mateo 6:5

Sakay kinagi pa ni Jesus “Ni magdasal kam ay dyan moy ahigán u gimet nu mapagkunware hide. Gugustu de a magdasal a nakataknág tu sinagoga sakay tu kakarsada tánni ketan hide nu katolayan. Ikagi ku nikam a talaga naalap di dán u gantimpala de.

Mateo 7:5

Mapagkunware kam. Ibutan moy pa u dakál moy a kasalanan para makatulung kam tu agum a magibut tu badit de a kasalanan.

Markos 12:39

Sakay gugusto di be a umetnod tu áetnuden nu mataas a tolay tu sinagoga sakay tu bilay a tehhod a handaan.

Markos 7:6

Tinábbeg hide ni Jesus, “Tama u kinagi ni prupeta Isaias tungkul nikam a magwari-ware. Ayun tu insulat na: kinagi nu Diyos. ‘Igalangák ni tolayan iye hide tu labi di la, bakán atu puso de.

Lukas 11:41

Kaya tulungan moy u magkahirap hide tu kailangan de tán magin malinis kam tu atubang nu Diyos.

Lukas 11:43

Kakagbi kam Pariseo hide! Dipo masássohán kam a umetnod tu pangbisita hide a pággetnudan tu sinagoga! Gugusto moy be a igalang dikam sakay batiyán tu matolay a lugar.

Lukas 12:33

Ilako moy u kabiyagen moy hide sakay iyatád moy tu mágkahirap hide u naglakuwan moy! Tánni makaipun kam ti kayamanan ti langet. U maipun moy hod a kayamanan ay awan magdadate one maubu-ubus sakay awan ti makasasáddáp a mágtakaw sakay awan makuta-kutam.

Lukas 12:56

Hikam a mapagkunware hide! Malalake kam a mangbasa tu tanda hide ti lutaáy sakay ti langet, bakin awan moy mabasa u tanda hide nu Diyos a mangyare dán nadid a panahun?”

Lukas 13:15

Kanya tinábbeg siya nu Panginoon, “Hikam a magkukunware hide! Awan beman magtarabaho kam be tu Aldew nu Káimang? Agen moy ben okbisan tu nagulaan moy u baka oni asno moy sakay angay moy painumán tu áinuman de maske tu Aldew nu Káimang, awan beman?

Lukas 20:46

“Magingat kam tu Maisto hide nu Kautusan dipo gugusto de a magsulot ti mágkalayon a damit tánni mapansin hide nu tolay. Sakay gugusto di be a igalang. Gugusto di be a mággetnod tu mágkaganda a pággetnudan para tu te mataas a tungkulin tu sinagoga hide sakay tu handaan hide.

Lukas 6:24

Pero kakagbi kam a mágkayaman hide nadid, Dipo natamasa moy dán u kaginhawaan.

Lukas 6:42

Kodya mo a kagiyán tu kapatkákka mo a, ‘Kapatkákka, tulungan taka a mangibut ti puleng muwe, pero awan mo ketan u gaturoso mo a puleng?’ Mapagpakunware! Ibutan mu pa i gaturoso muwe a puleng, tánni maketa ka ti maganda para maibutan mo u puleng nu kapatkákka mo.”

Juan 13:29

U akala nu agum ay inutusan la siya ni Jesus a mamale tu kailangan de tu kasayaan oni mangatád ti limus tu mágkahirap hide, dipo siya u mágsaddi tu pilak de.

Juan 5:41

Sakay kinagi pa ni Jesus, “Awan ko hangadán u papure nu tolay hide.

Juan 5:44

Kodya kam a maniwala nikán, ni u papure la nu bawat essa u gusto moy, sakay bakán a u papure a gábwat tu eessa a Diyos?

Juan 7:18

U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.

Gimet 10:2

Tehhod siya a ánteng tu Diyos, pati u buo na a pamilya. Palagi siya a mangatád ti tulung tu Judio hide, sakay pirme a magdasal tu Diyos.

Gimet 10:31

Kinagi na, ‘Cornelio, sinaneg nu Diyos u dasal mo hide sakay kinasayaan na u págtulung mo tu mágkahirap hide.

Gimet 10:4

Ináeleng na siya sakay grabi u ánteng na a tummábbeg, “Ánya itod, Panginoon?” Tummábbeg u anghel, “Sinaneg nu Diyos u dasal mo hide sakay nasaya siya niko tu káttulung mo tu mágkahirap hide.

Gimet 11:29

Kanya nagplano u disepulus hide a magpatawed ti tulung tu mánnampalataya hide a mámmágyan ti Judea, ayun tu makaya nu bawat essa.

Gimet 24:17

Sangan dán a taon a awanák ti Jerusalem; nagsoliyák para magtugán ti tulung tu kalugaran ko hide, sakay mag-alay tu Diyos.

Gimet 9:36

Ti Joppa ay tehhod be a essa a bábbey a mánnampalataya, u ngahan na ay Tabita, (ti Griego, u ngahan na ay Dorcas, u gusto na a kagiyán ay ogsa.) Inyobus na u atanan a odas na tu pággimet ti maganda sakay tu págtulung tu mágkahirap hide.

Roma 12:8

ni págpayo, magpayo siya ti maayus, ni pángngatád, mangatád siya tu maluwag tu kaluuben na, ni pámmuno, mamuno siya ti buo a tiyaga. Sakay ni káttulung tu te kailangan, tumulung siya a tehhod a kasayaan.

1 Corinto 13:3

Ipagatád ko man u atanan a ari-ariyan ko, sakay iyalay ko man u bággi ko para tutudán, ni awanák labe ti págmahal, ay awan labe iye ti kabuluhan nikán!

Galacia 2:10

Inpákpágguhon dila a diyan me páppabayan u mágkahirap hide. Sakay iye be u gugusto ko a gimitán.

Efeso 4:28

U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

1 Tesalonica 2:6

Awan me hinangad a puriyán moy kame oni puriyán nu agum a tolay.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Filemon 1:7

Dipo tu págmahal mo, kapatkákka a Filemon, ay nasayaák sakay napabegsákkák. Dipo be niko ay napabegsák u mánnampalataya hide.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.