Mateo 6:12 - U Maganda A Baheta Ni Jesu-Cristo

¹² Patawadán mu kame tu kasalanan me a konna tu págpatawad me tu nagkasala nikame.

Mateo 6:12 ပူးပေါင်းရင်းမြစ်များ

Mateo 26:28

“dipo iye u digi ko a mangpatibay tu uhunan nu Diyos, u digi ko a mebuhos para mapatawad u kasalanan nu tolay hide.

Mateo 9:2

Káddemát di hod ay intugán nu sasangan a tolay u essa a tolay a awan makaahikad ni Jesus. U tolay ay nágkatdug tu essa a ayod. Nikuna netan ni Jesus a te pánnampalataya hide nikuna ay kinagi na tu tolay a awan makaahikad “Anak, magsaya ka dipo pinatawad ta ka dán tu kasalanan mo.”

Markos 11:25

Sakay ni magdasal kam, patawadán moy pa u nagkasala hide nikam támpara u kasalanan moy be ay patawadán be nu Ama moy a katoy ti langet.

Lukas 11:4

Sakay patawadán mo kame tu kasalanan me hide, dipo pappatawadan mi be u nagkasala hide nikame. Sakay dyan mo kame pabayan a matokso.”

Lukas 13:4

Tungkul be tu sapulo ay ti walo a natay nikuna natáppelan hide nu tore a malangkaw a bilay ti Siloe ay isipán moy dán beman be a makpal hide a nagimet a madukás nan tu agum a mágyan ti Jerusalem?

Lukas 6:37

“Dyan kam humatul tánni awan kam hatulan nu Diyos. Dyan kam be magparusa tánni awan kam parusaan nu Diyos. Mágpatawaden kam tánni patawadán kam nu Diyos.

Gimet 13:38

Dapat moy a matukuyan kákkapatkákka ko hide a tu pamamag-itan ni Jesus ay napatawad dán u kasalanan tam.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 4:32

Nan magin mabait kam sakay makákkagbiyán tu balang essa sakay magpatawadan kam konna tu págpatawad nikam nu Diyos tu pamamag-itan ni Cristo.

Colosas 3:13

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.