Mateo 5:6 - U Maganda A Baheta Ni Jesu-Cristo

⁶ Pinagpala nu Diyos u tolay hide a masoh a tahod a manggimet tu kaluuben nu Diyos, dipo hide u tulungan nu Diyos tánni magimet de u kaluuben na.

Mateo 5:6 ပူးပေါင်းရင်းမြစ်များ

Lukas 1:53

Binássog na ti mágkaganda a bagay u mágkahirap hide, sakay pinalakad na u mágkayaman hide a awan ti tawed maski ni ánya.

Lukas 6:21

Pinagpala u magaláp hide nadid, dipo bássugán kam nu Diyos! Pinagpala u mágsanget hide nadid, Dipo magkahod kam ti kasayaan!

Lukas 6:25

Kakagbi kam a bássog hide nadid, dipo aláppán kam! Kakagbi u mágtatawaán hide nadid, Dipo maglungkut sakay magsasangitán kam!

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Juan 7:37

Nadid, tu dimodyan a aldew a pinakamahalaga a kasayaan nu Judio hide, timmaknág ti Jesus sakay kinagi na ti mabegsák, “U deyaman a mauwaw ay umadene nikán sakay uminom.

Pahayag 7:16

Awan dán hide magala-aláp oni mauwa-uwaw; awan dán hide makagkag tu aldew oni mapase tu ánya man a matindi a init.