Mateo 5:39 - U Maganda A Baheta Ni Jesu-Cristo

³⁹ Pero kagiyán ku nikam nadid a dyan kam gumante tu tolay a nanggimet nikam ti madukás. Nan ni te mangdapang niko ay ipadapang mu pa u dilupot.

Mateo 5:39 ပူးပေါင်းရင်းမြစ်များ

Mateo 5:40

Ni ikaso di ka para la maalap de u badu mo ay iyatád mu dálla pate u dyaket mo.

Lukas 22:64

Pinángngássan di siya sakay tinanung, “Nay, tukuyan pay ni ti deya u nangsuntuk niko?”

Lukas 6:7

Binábbantayan nu maisto hide nu Kautusan sakay nu Pariseo hide ti Jesus, ni magpapiyya siya tu aldew nu Káimang tánni tehhod hide a mesihe nikuna.

Juan 18:23

Tinábbeg siya ni Jesus, “Ni te madukássák a kinagi, patunayan mo iye. Pero ni tatahoden u kinagi ko, bakinák mo a dinapang?”

1 Corinto 6:7

U pángdimanda moy tu kapatkákka moy ay dakál a pagkakamali moy. Bakin awan moy dálla kaya a pasensiyaan u mággagimitán tu madukás sakay makán dayaán nikam?

1 Tesalonica 5:15

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

Hebreo 12:4

Tu pághirap moy kontara tu kasalanan ay awan palla dimmemát tu punto a mabuno kam.

Santiagu 5:6

Pinarusaan moy sakay pinabuno u tolay hide a awan ti kasalanan, maskin awan hide linumaban nikam.

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.