Mateo 5:30 - U Maganda A Baheta Ni Jesu-Cristo

³⁰ Sakay ni u kawanan mo a kamát u dahilan nu págkasala mo ay káttolán mo sakay ibut mo. Mas maganda pa a mawanan ka ti essa a parte nu bággi mo kasera ni me impiyerno u atanan a bággi mo.”

Mateo 5:30 ပူးပေါင်းရင်းမြစ်များ

Mateo 11:6

Sakay ikagi moy pa nikuna a ‘Pagpalaán nu Diyos u tolay a awan manghina u pánniwala de nikán.’”

Mateo 13:21

Pero dipo kapareho siya nu essa a mula a awan ti gimot a madisalad ay awan siya makatággád tu hirap nu seste dipo tu pánniwala na ay alisto siya a ummadág tu pánniwala na.

Mateo 16:23

Pero kinagiyan siya ni Jesus, “Umadeyo ka Satanas! Essa ka a hadlang nikán. U isip mo ay bakán a tu Diyos nan kao nu tolay.”

Mateo 17:27

Pero, para awan la hide ti makagi nikitam, angay ka tu minalno sakay magbahuwan ka. Sakay alapán mo u dipalongo a ikan a maalap mo. Pangángngakán mo u labi na sakay te ketan ka a pilak. Alapán mo sakay angay mu ibuwes para nikita.”

Mateo 18:8

Ni u kamát oni tikád mo u ginábwatan nu pagkasala mo ay káttolan mo iye sakay ibut! Mapiyya pa a angay ka ti langit a káttol u essa mo a kamát oni tikád nan te duwwa ka a kamát o tikád sakay ti impiyerno labe u angayan mo.

Mateo 22:13

Kaya kinagi nu hare tu utusan na hide ‘Gilotán moy u kamát na sakay tikád sakay itapduk siya tu pinakamadihám a lugar a hod tu luwas. Hod ay mághirap siya ti grabe sakay mággaadoyan’ ”.

Mateo 25:20

Ummadeni u nakaalap ti limma a libo a piso sakay kinagi na, ‘Panginoon, sa iye u limma a libo a piso a intád mo nikán. Sakay sa iye be u limma a libo a piso a tinubo ko.’

Mateo 26:31

Kinagi ni Jesus nide, “Ti gibiyan iye, hikán ay ginanan moy a atanan konna tu kinagi tu Kasulatan, ‘Bunuwan ko u pastol sakay magkawatakwatak u tupa hide.’

Mateo 5:22

Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Mateo 5:29

Kanya ni u kawanan mo a mata ay u dahilan nu págkasala mo ay lábwetán mo sakay ibut mo. Mas maganda pa a mawanan ka ti essa a parte nu bággi mo kasera ni meimpiyerno u atanan a bággi mo.

Markos 9:43

Kanya kinagi ni Jesus, “Ni u kamát mo u mangatád niko ti págkakasala ay putáddán mo dán! Maganda pa a umangay ka ti langet a putád, kasera ni duwwa u kamát mo a meangay tu apoy a awan maada-adáp.

Lukas 12:5

Kagiyán ko nikam ni deya u dapat moy a kantingan: kantingan moy u Diyos dipo kattapos na a mamuno, siya la u tehhod a kapangyariyan a máng-but tu tolay ti impiyerno. Tandaan moy, u Diyos la u dapat moy a kantingan!

Lukas 17:2

Maganda pa ni báttenan siya ti essa a dakál a gilingan a bito tu álleg na sakay ibut ditaw a diget, nan magin dahilan nu pagkasalaan ni biguwan iye hide ti pánnampalataya.

Roma 9:33

Ayun tu nesulat, “Nángdáttonák ti Sion ti essa a bito a kákkesángdulan, essa a bito a kákkehakpaan de. Pero awan mabigu-bigu u manampalataya hide nikuna.”

1 Corinto 8:13

Kaya ni tu makan la u dahilan a pagkasalaan nu kapatkákka ko ay dyanák dán kuman ti karne tánni awan siya magkasala.

Galacia 5:11

Kákkapatkákka ko hide, tehhod kan a magkagi a ipáppangaral ko kan hanggan nadid a kailangan pade a magpature. Ni tatahoden ina ay awan dán nakwa ti magpahirap nikán. U tatahoden ay páppahirapanák di la dipo ipáppangaral ko u tungkul tu kákkepako ni Cristo tu kudus.

1 Pedro 2:8

Sakay nakasulat be a, “Itod labe a bito u kesángdulan sakay kehakpaan nu tolay hide.” Nesángdul hide dipo awan hide sumunud tu upos nu Diyos, sakay iye u inhanda nu Diyos para nide.