Mateo 5:22 - U Maganda A Baheta Ni Jesu-Cristo

²² Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Mateo 5:22 ပူးပေါင်းရင်းမြစ်များ

Mateo 10:17

Magingat kam dipo ikasu di kam sakay haplitán di kam tu sinagoga de hide.

Mateo 10:28

Sakay dyan moy kantingan u makabuno tu bággi moy pero awan makabuno tu kaliduwa nan dapat kantingan moy u Diyos a makabuno tu bággi sakay kaliduwa moy ti impiyerno.

Mateo 12:24

Pero nikuna nasaneg iye nu Pariseo hide ay kinagi de “Kanya mapalayas na u demonyo hide dipo inatádden siya ti kapangyariyan ni Satanas.”

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 18:21

Nadid immadeni ti Pedro ni Jesus sakay nagtanong nikuna, “Panginoon, sangan a beses ko a patawadan u kapatkakka ko a pahuway-huway a nagkasala nikán? Penpitto beman?”

Mateo 18:35

Kona labe hina u gimitán nikam nu Ama ko a atoy ti langit ni awan moy patawadan u kapatkakka moy.”

Mateo 23:15

Kakagbi kam a talaga, maisto hide nu Kautusan ni Moises sakay Pariseo hide! Mapagkunware kam! Ahabisan moy u diget sakay angayan u iba a bansa, makaakit kam la ti essa a awan maniwala tu relihiyon moy. Sakay ni maakit moy dán ay ginimet moy pa a mas madukás nan nikam. Kanya nagin doble u dahilan para siya ay parusaan ti impiyerno.

Mateo 23:33

Malinlang kam konna tu biklat! Awan kam talaga makaiwas, maparusaan kam ti impiyerno!

Mateo 25:41

Sakay kagiyan ko be tu atoy hide tu kawihi, ‘Umadeyo kam nikán a binusong nu Diyos! Hikam ay meangay tu apoy a awan maadápadáp a inhanda para ni Satanas sakay tu demonyo na hide.

Mateo 26:59

Nagehyok u pupuno nu saserdote hide sakay u buo a Sanedrin ti tistigo a magbulibuli laban ni Jesus para mepabuno de siya.

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Mateo 5:34

Pero nadid ay itoldu ko nikam a dyan kam manumpa ni magpanantu kam. Dyan moy kagiyán a sistigu moy u langet dipo hod u trono nu Diyos.

Mateo 5:44

Pero iye u ikagi ko nikam, mahalán moy u kadima moy sakay ipagdasal moy u mangdusta nikam.

Markos 14:55

Nadid, u puno hide nu mágkataas a Saserdote sakay u buo a gurupo ay magehyok hide ti ibintang de ni Jesus tán te dahilan hide a mangpabuno nikuna. Pero awan hide ti ketan.

Markos 15:1

Nadid, tunay palla ti kadimadimang ay namágguhon u Saserdote hide, sakay u pinuno hide nu banuwan sakay u tagapagtoldu hide tu Kautusan, sakay u agum hide a pinuno nu Judio hide, namágguhunan de ni ánya gimitán diyay ni Jesus. Pinapungo di ti Jesus sakay inyangay de tu kán Pilato.

Lukas 12:5

Kagiyán ko nikam ni deya u dapat moy a kantingan: kantingan moy u Diyos dipo kattapos na a mamuno, siya la u tehhod a kapangyariyan a máng-but tu tolay ti impiyerno. Tandaan moy, u Diyos la u dapat moy a kantingan!

Lukas 22:66

Tukadimadimangan na ay namággipun u ama-amaan hide nu banuwan, u puno nu saserdote hide sakay u maisto hide nu Kautusan. Inyatubang di nide ti Jesus sakay tinanung de,

Juan 11:47

Kanya impadulaw nu pinuno nu Saserdote hide, sakay nu Pariseo hide u atanan a mágkataas a miyemro nu Judio hide. Sakay nikuna a naipun dán hide ay kinagi de, “Ánya u gimitán tam? Makpal a makataka-taka u ginimet ni tolayan iye.

Juan 15:25

Ti ginimet diyan iye ay natupad u nesulat tu Kasulatan a, ‘Maiyamut hide nikán a awan ti rason.’”

Juan 7:20

Timmábbeg u tolay hide, “Sináddáp ka dán ni madukás a ispirito! Ti deya beman u masoh a mangbuno niko?”

Juan 8:48

Kinagi nu puno nu Judio hide ni Jesus, “Tama u kinagi me a essa ka a Samaritano sakay sináddáp ka ni madukás a ispirito.”

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.

Gimet 22:30

Pero gusto a matukuyan nu pinuno ni bakin a pinagbintangan nu Judio hide ti Pablo. Kanya tu kadimadimangan ay pinadulaw na u puno nu saserdote hide sakay tu buo a miyembro nu Sanedrin. Káttapos ay pinaokbis na u pungo ni Pablo sakay inyatubang na nide.

Gimet 23:1

Nadid, lináttángngan ni Pablo u pinuno hide, sakay kinagi na, “Kákkapatkákka ko hide, tukoy nu Diyos a natupad ko u atanan a gusto na a gimitán ko a maganda u kaluuban ko hanggan nadid a aldew.”

Gimet 24:20

Sakay dipo awan he hide, u tolay la hide a atoy he u magkagi nite napatunayan hide a tehhodák a nagimet a kasalanan nikuna hikán ay iyatubang de tu Sanedrin.

Gimet 4:15

Kanya pinaluwas di pala u duwwa a apostol tu pamággipun-ipunan de sakay namágguhon-uhon hide.

Gimet 5:21

Nikuna kaldiwan dán ay simmáddáp hide tu templo sakay nangaral tu tolay hide. Nagipun-ipun be u pinakapuno nu saserdote hide sakay tu kaguman na hide. Dinulaw de u ama-amaan hide nu lahe hide ni Israel a kákkagiyán a Sanedrin, sakay impaalap de tu kulungan u apostol hide.

Gimet 5:27

Sakay inyatubang de u apostol hide tu Sanedrin sakay tinanung hide nu pinakapuno nu saserdote hide.

Gimet 6:12

Iye u ginimet de tánni masulsulan de a magiyamut u tolay hide ni Esteban, u ama-amaan hide nu lahe hide sakay tu lahe hide ni Israel. Sinunggaben de siya sakay inyatubang tu Sanedrin.

Gimet 6:15

Lináttángngan nu atanan a katoy tu pamággipun-ipunan ti Esteban sakay namalas de a kuman a hupa nu anghel nu Diyos u hupa na.

Gimet 7:37

Siya labe u Moises a nagkagi tu Israelita hide, ‘U Diyos ay mangpaangay he nikam ti essa a prupeta a kapareho ko a naggábwat tu lahe moy.’

Roma 12:10

Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

1 Corinto 6:10

u mágtakaw, u madadámmot, máglalasing, u mapagdusta sakay tu magdaya hide ay awan ti kabahagi tu kahariyan nu Diyos.

1 Corinto 6:6

Bakin a mamágkaso kam a mátkaka? Sakay u pángkasuwan moy pa ay u tolay hide a awan ti pánnampalataya.

1 Tesalonica 4:6

Ni sunudán moy iye a adal ay awan dán ti mangagew nikam tu kákkabanga nu deyaman a kapareho na a tolay, lalu dán tu kabanga nu essa a tolay a kapareho na a mánnampalataya tu Diyos. Inpangaral mi dán nikam tu itod, a parusaan nu Diyos u deyaman a manggimet ti iye a kadukássan.

Tito 3:2

Pagkagiyan mo hide a dyan magupos ti madukás tungkul tu agum. Sakay tolduwan mo hide a magin mahinahun sakay maáunawaán sakay mapagpakumbaba tu balang essa.

Hebreo 12:25

Kanya magingat kam, sakay diyan moy adiyan u Diyos a magupos nikitam. Dipo u awan hide nágsaneg tu nagupos hide tu itod ti lutaáy ay awan nakaligtas tu parusa! Nadid, kodya kitam makaligtas ni umád kitam a mágsaneg tu magupos a gábwat ti langet?

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

Santiagu 2:20

Hikam a awan makaintendi! Bakin? Kailangan kubeman a patunayan nikam a awan ti pinagseserbiyan u pánnampalataya a awan ti gimet?

Santiagu 3:6

U dila ay kumán a apoy, dipo iye u paggabwatan nu makpal a kadukássán a mangpadangát tu buo tam a pagkatolay. Iye ay konna tu apoy a gábwat ti impiyerno a mangatád ti kaguluwan tu biyag tam.

1 Pedro 2:23

Awan siya gummante nikuna a dustaán siya, sakay awan siya ti kákkagi nikuna a pahirapan de nan impabahala na u atanan tu Diyos dipo u Diyos la u tapat a huwes.

1 Pedro 3:9

Diyan moy gantiyan ti madukás u maggimet nikam ti madukás. Diyan moy sumpaán u mangsumpa hide nikam. Nan ipagdasal moy a pagpalaán hide nu Diyos dipo konna hod u gusto nu Diyos a gimitán moy.

1 Juan 2:9

U magkagi a katoy siya tu demlag pero maiyamut labe tu kapatkákka na ay atoy padla tu kadiklámman.

1 Juan 3:10

Hed tam he a matukuyan ni deya u anak nu Diyos sakay ni deya u anak ni Satanas: Ni deya man u awan maggimet ti maganda sakay awan magmahal tu kapatkákka na ay bakán a anak nu Diyos.

1 Juan 5:16

Ni ti deyaman u maketa tu kapatkákka na a naggimet ti kasalanan a awan himmayun tu kákkatay ay ipagdasal na itod a kapatkákka tu Diyos a makapangatád nikuna ti bigu a biyag. Iye ay para tu kapatkákka hide a awan himmayun u kasalanan de tu kákkatay. Dipo tehhod a kasalanan a humayun ti kákkatay, pero awan ko kagiyán a ipagdasal moy u makán gimitán ti konna hod.

Judas 1:9

Maskin ti Miguel a pinakapuno nu anghel hide ay awan nangahas a humatul sakay magdusta, nikuna a nákpagtalo siya tu Diyablo tungkul tu bangkay ni Moises, awan na pinagupusan ti pagseste, nan u kinagi na la ay “Pagkagiyan ka nakwa nu Panginoon!”

Pahayag 20:14

Káttapos ay imbut tu kumán a diget a apoy u Kákkatay sakay u Hades. I malawakan iye a apoy ay u kaduwwa a kamatayan.