Mateo 5:18 - U Maganda A Baheta Ni Jesu-Cristo

¹⁸ Pakatandaan moy iye, hanggan atoy pa u langet sakay u luta ay matupad u atanan a nesulat tu Kautusan.

Mateo 5:18 ပူးပေါင်းရင်းမြစ်များ

Mateo 10:15

Pakatandaan moy iye: Tu Aldew nu Pághukom ay mas maparusaan nu Diyos u tolay hide a napagpagan moy ti alikabuk nan tu mágkadukás hide a tolay a mágyan tu itod a panahun tu banuwan a Sodoma sakay Gomorra.”

Mateo 10:23

Ni dustaán di kam tu essa banuwan ay guminan kam tu iba. Kagiyán ku nikam a awan moy pa maangayan u atanan a banuwan ti Israel ay makademáták dán a Anak nu Tolay.”

Mateo 10:42

Sakay ni ti deya u mangatád maski essa baso a dinom tu pinakababa a disepulus ko ay kagiyán ko nikam a talaga makatanggap siya ti gantimpala a gábwat tu Diyos.”

Mateo 11:11

Kagiyán ku nikam a tu atanan a nagin tolay ti munduwáy ay awan ti humigit pa nan ti Juan a mágbawtismo. Pero u pinakababa tu kahariyan nu Diyos ay higit pa nan ni Juan.

Mateo 13:17

Tatahoden u kagiyán ko nikam, makpal a propeta sakay malinis a tolay tu itod u nasoh a ketan u netan moy nadid. Pero awan iye nangyari nide.”

Mateo 16:28

Kagiyán ku nikam: te sangan he nikam a awan matay hanggan a awan de ketan u Anak nu Tolay a dumemát bilang Hari.”

Mateo 17:20

Timmábbeg siya, “Dipo awan sapat u paniwala moy. Kagiyán ko nikam: ni magin kapareho la tu kadakál nu bukál nu mustasa u paniwala moy tu Diyos ay makagi moy tu buked a iye, ‘Umagton ka hod!’ sakay umagton iye. Awan ti bagay a awan moy magimet.

Mateo 18:18

Kinagi pa ni Jesus “Kagiyan ko nikam: anya man a ipagbawal moy ti lutaáy ay ipagbawal ti langit sakay anya man a payagen moy ti lutaáy ay payagen bi ti langit.

Mateo 18:3

Kinagi na, “Pakatandaan moy iye: hanggan awan kam nagbago sakay pumarehas tu anak hide a mapakumbaba, talaga a awan kam mebilang tu pinaghariyán dán hide nu Diyos.

Mateo 19:23

Kinagi ni Jesus tu disepulus na hide, “Kagiyán ko nikam: mahirap mebilang u mágkayaman hide tu pinaghariyán dán hide nu Diyos!

Mateo 19:28

Kinagi nide ni Jesus, “Pakatandaan moy iye: ni maghare dán u Anak nu Tolay tu kapangyariyan na tu paddemát a mundo a itatag nu Diyos, hikam a sumunod nikán ay maatádden labe ti kapangyariyan para hatulan u sapulo ay ti duwwa a lahi ni Israel.

Mateo 21:21

Timmábbeg ti Jesus, “Pakatandaan moy iye: ni te pánnampalataya kam tu Diyos sakay awan kam magalinlangan ay magimet moy be u ginimet ko tu kayo nu igos a iye. Bakán la a iye u magimet moy! Ni kagiyan moy tu buked a iye, ‘Lumakad ka hina; lumukso ka tu diget,’ ay mangyari u kinagi moy.

Mateo 21:31

Deya tu duwwa u summunod tu gusto nu ama na?” “U panganay,” tábbeg de. Sakay kinagi nide ni Jesus, “Kagiyan ko nikam: u madukás hide a tagakolekta ti buwes sakay belyas hide ay mágdipalongo pa nan nikam a magpasakop tu pághare nu Diyos.

Mateo 23:36

Kagiyan ko nikam: u parusa nu atanan an iye ay meangay tu tolay hide tu kasalukuyan.”

Mateo 24:2

Pero kinagi na nide, “Ketan moy i bilayan iye hide? Pakatandaan moy! Dumemát u aldew a awan hina ti mabuhay a bilay. Atanan ay masida!”

Mateo 24:47

Kagiyan ko nikam: ipebahala nikuna nu amo na u atanan nu ari-arian na.

Mateo 25:12

Pero timmábbeg siya, ‘Talaga kagiyan ko nikam: awan ta kam matetenggi.’”

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Mateo 25:45

Sakay kagiyan ko nide, ‘Talaga a kagiyan ko nikam: nikuna awan moy kinagbiyan a tulungan u pinakamababa hide a kapatkákka ko ay bilang hikán u awan moy kinagbiyan.’”

Mateo 5:26

Talaga a awan ka makaluwas tu piresuwan hanggan awan mo mabayaden u atanan a utang mo.”

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:2

Kanya ni mangatád kam tu mágkahirap hide ay dyan moy ihambug tu agum. Ina u gággimitán nu mapagkunware hide a tolay tu sinagoga hide sakay tu kakarsada tánni puriyán hide nu katolayan. Ikagi ko nikam a talaga natanggap di dán u gantimpala de. Awan dán hide ti gantimpala a gábwat tu Diyos.

Mateo 8:10

Nikuna nasaneg iye ni Jesus ay nagtaka siya tu kapitan. Sakay kinagi na tu tolay hide a umunonod nikuna “Kagiyán ku nikam a awanák padla naketa ti Israelita a kapareho nikuna a kadakál ti pánnampalataya.

Markos 10:15

Tandaan moy: u umád a tumanggap tu pághare nu Diyos a konna tu págtanggap nu anak ay awan siya makasáddáp tu kahariyan nu Diyos.”

Markos 10:29

Timmábbeg ti Jesus, “Pakatandaan moy: atanan a nángwahak tu bilay, kákkapatkákka, dáddakál, anak, oni luta dipo nikán sakay tu Maganda a Baheta,

Markos 11:23

Tatahoden u kagiyán ko nikam, maare moy a kagiyán ti bukidan iye, ‘Umagton ka tu diget!’ Sakay ni awan kam magduwwa-duwwa ti isip, ay talaga a mangyare u kinagi moy.

Markos 12:43

Dinulaw ni Jesus u alagad na hide sakay kinagi na, “U tatahoden ay mas dakál u inyatád ni biluwan itona kasera nide a atanan.

Markos 13:30

Tatahoden u kagiyán ko nikam: iye hide a atanan ay mangyare bagu a matay u tolay hide a biyag palla nadid.

Markos 14:18

Mentaras a kuman hide ay kinagi ni Jesus: “Tandaan moy iye: te essa he nikam a katubang ko a kuman u mángtokyon nikán.”

Markos 14:25

Tandaan moy, awanák dán uminom ti áinumán a gábwat tu ubas hanggan tu aldew a inumán ko u bigu a alak a áinumán tu kahariyan nu Diyos.”

Markos 14:30

Tinábbeg siya ni Jesus, “Tandaan mo, bagu a magtarakket ti pumenduwwa u manok nadid a gibi ay pentálluwák mo a ipamen.”

Markos 14:9

Tandaan moy, maski hádya a ipangaral u Maganda a Baheta ay mabanggit dila u ginimet na bilang pággala-ala nikuna.”

Markos 3:28

Tandaan moy iye: u atanan a kasalanan pate u upos a kontara tu Diyos ay maare a mapatawad,

Markos 6:11

Ni umád dikam a tanggapán oni awan kam sanigán nu tolay hide tu essa a lugar ay lumakad kam hod sakay ipagpag moy u alikabuk tu tikád moy, tanda itod a parusaan hide nu Diyos tu awan de pánniwala nikam.”

Markos 8:12

Nikuna a masaneg na iye ay immangás siya ti madisalad sakay kinagi na, “Bakin wád a magaged ti makataka-taka a bagay i tolayan iye hide? U tatahoden ay awanák ti makataka-taka a bagay a ipeta nikam.”

Markos 9:1

Kinagi pa ni Jesus nide, “Tandaan moy, tehhod a sangan he nikam a awan matay hanggan a awan de ketan u pághare nu Diyos a tehhod a kapangyariyan.”

Markos 9:41

Tandaan moy: ni ti deyaman u mangatád nikam maski essa a baso a dinom dipo hod kam ni Cristo ay siguradu a makatanggap ti gantimpala.”

Lukas 11:51

sapul tu pángbuno ni Cain ni Abel hanggan ni Zacarias a binuno tu sállat nu Templo a págtutudan ti alay. Hikam a mabiyag nadid u maparusaan dipo tu ginimet de.”

Lukas 12:37

Pinagpala u alipin hide a demáttan na a awan tidug sakay nakahanda tu káddemát nu amo de. Kagiyán ko nikam, pággetnudan na hide tu lamisaan sakay serbiyan na hide mentaras a kuman hide.

Lukas 13:35

Kaya nadid ay pabayan kamon nu Diyos. Tandaan moy i kagiyán kuwáy, awanák moy dán memetan hanggan a awan dumemát u odas a kagiyán moy a, ‘Pagpalaán nakwan u mágdadedemát tu ngahan nu Panginoon!’”

Lukas 16:17

Pero mas alisto pa a mawan u langet sakay tu luta, nan mawanan ti bisa u kabadit-baditan a parte nu kautusan.

Lukas 18:17

Tandaan moy: ni deya man u awan mangtanggap tu pághare nu Diyos a konna tu bábbadit a anak ay awan paghariyan nu Diyos.”

Lukas 18:29

Sakay kinagi ni Jesus nide, “Tandaan moy iye, ni deya man u mángwahak tu bilay na, tu kabanga na, tu kakkapatkakka na, tu dáddakál na hide oni u anak di hide dipo tu kahariyan nu Diyos,

Lukas 23:43

Timmábbeg ti Jesus, “Kagiyán ko niko, nadid be ay ikuyog taka ti Paraiso.”

Lukas 4:24

Pero kagiyán ko nikam,” kagi ni Jesus, “Tatahoden a awan tanggapán u prupeta tu sadile na a banuwan.

Juan 1:51

Sakay kinagi pa ni Jesus nikuna, “Pakatandaan moy: ketan moy u langet a bumukas sakay tulos-tulos u anghel hide a umogsad sakay sumangkay tu páppágyanan nu anak nu tolay.”

Juan 10:1

Nadid ay nagupos ti Jesus tu pamamagitan nu talinhaga. Kinagi na, “Kagiyan ko nikam u tatahoden, u sumáddáp tu kulungan nu tupa hide a awan maglakad tu pintuwan nan umunek tu kudal ay mágtakaw sakay mágbabono.

Juan 10:7

Kanya nagupos a huway ti Jesus nide, “Kagiyan ko nikam u tatahoden, hikán u pintuwan a lállakadán nu tupa hide.

Juan 12:24

Tandaan moy: maliban a matákneg tu luta u essa a butil nu pahay sakay matay ay manatile itod a mággeessa. Pero ni memula ay magbunga itod ti makpal.

Juan 13:16

Kagiyan ko nikam u tatahoden: Awan ti alipin a mas higit tu amo na sakay awan be ti alipin a mas higit tu nagutus nikuna.

Juan 13:38

Timmábbeg ti Jesus, “Talaga beman a handa ka a matay para nikán? U tatahoden, bagu a magtarakket u tandang a manok ay tállowák mo a beses a ipamen a awanák mo tukoy.”

Juan 14:12

Kagiyán ko nikam u tatahoden: U deyaman a maniwala nikán ay makagimet be tu gággimitán ko, sakay mas pa ti iye u magimet na dipo angayák dán tu Ama.

Juan 16:20

Tatahoden, magsanget kam sakay maglungkut tu mangyare nikán, pero masaya u taga-mundu hide. Mágkalungkut kam, pero u kalungkutan moy ay mapalitan ti kasayaan.

Juan 16:23

Ti aldiwan itod ay awan moy dán kailangan a magtanung nikán. Kagiyán ko nikam u tatahoden: Anya man u agidan moy tu Ama tu pamamag-itan nu ngahan ko ay iyatád na.

Juan 21:18

Kinagi ni Jesus, “Pakatandaan mo, nikuna anak ka palla ay hiko mismo u mangbadu tu sadile mo, sakay umangay ka la maski hádya gusto mo. Pero tu káttanda mo ay iyolnat mola i kamát muwe hide sakay iba dán u mangbadu niko, sakay iyangay na ka tu lugar a awan mo gusto.”

Juan 3:11

Kagiyan ko niko u tatahoden: Ikákkagi me u natukuyan me a mapatunayan me, pero awan moy iye tinanggap.

Juan 3:3

Timmábbeg ti Jesus, “Kagiyan ko niko u tatahoden: Awan ti maketa tu paghare nu Diyos maski ti deya man maliban a meenak a huway.”

Juan 3:5

Kinagi ni Jesus, “Kagiyan ko niko u tatahoden: Awan ti maski ni deya man u makasáddáp tu kaharian nu Diyos ni awan siya meenak tu pamamag-itan nu dinom sakay tu Banal a Ispirito.

Juan 5:19

Kinagi nide ni Jesus, “Dapat moy a matukuyan a awan ti gimitán u Anak tu sadile na la nan u gimitán na la ay u ketan na a gimitán nu Ama. U gággimitán nu Ama ay siya la be u gággimitán nu Anak.

Juan 6:26

Timmábbeg ti Jesus nide, “U tatahoden, ehyukánnák moy bakán a dipo tu netan moy a makataka-taka, nan dipo nakakan kam tu tinapay sakay nabássog.

Juan 6:32

Kinagi nide ni Jesus, “Kagiyan ko nikam u tatahoden: Bakán a ti Moises u nangatád ti makan a gábwat ti langet, nan u Ama ko. Sakay siya be u mangatád nikam ti tunay a makan a gábwat ti langet.

Juan 6:47

Kagiyan ko nikam u tatahoden: U maniwala nikán ay tehhod a biyag a awan ti kahád.

Juan 6:53

Kinagi ni Jesus nide, “Kagiyan ko nikam u tatahoden: Mentaras awan moy kanán u bággi nu Anak nu Tolay sakay inumán u dige na ay awan kam magkahod ti biyag a awan ti kahád.

Juan 8:34

Timmábbeg ti Jesus, “Kagiyán ko nikam u tatahoden, alipin nu kasalanan u atanan a nagkasala.

Juan 8:51

Kagiyan ko nikam u tatahoden: U deyaman a mangtupad tu toldu ko ay awan mata-matay.”

Juan 8:58

Timmábbeg ti Jesus, “Kagiyan ko nikam u tatahoden: Bagu pa a neenak ti Abraham ay atnaák dán.”

1 Pedro 1:25

Pero u upos nu Diyos ay awan magbabagu sakay awan maglilipas maski ni nikan.” Iye a upos ay u Maganda a Baheta a inpakapospos nikam.

Pahayag 20:11

Káttapos ay netan ko u dakál a trono a mapudew sakay tehod a mággetnod hod. Nawan u luta ay tu langet tu atubang na, sakay awan dán nenetan a huway.