Mateo 5:16 - U Maganda A Baheta Ni Jesu-Cristo

¹⁶ Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Mateo 5:16 ပူးပေါင်းရင်းမြစ်များ

Mateo 23:5

Puro a pagpakunware u gimet de hide. Pinalabang de u págdattonan de ti bersikulo de sakay pinaatakdug de u garayan nu damit de hide para mapansin hide nu tolay a mágserbi hide tu Diyos.

Mateo 23:9

Sakay dyan moy dulawan a ama u deya man a tolay tu luta dipo essa la u Ama moy, u Ama a atoy ti langit.

Mateo 5:45

Tánni magin tunay kam a anak nu Ama moy a atoy ti langet. Dipo atádden na a parehas ti sinag sakay uden u mabait sakay u madukás a tolay.

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:9

Kanya magdasal kam a te kahulugan a konna he “Amáng a Diyos ti langet, ilangkaw nakwa nu tolay hide u ngahan mo.

Mateo 9:8

Nikuna netan iye nu tolay hide ay nagtaka hide sakay pinuri de u Diyos a nangatád ti konna hina a kapangyariyan tu tolay hide.

Lukas 11:2

kinagi na nide, “Ni magdasal kam ay konna he u kagiyán moy, ‘Ama, puriyán nakwa u banal mo a ngahan. Maghare ka nakwa nikame.’

Juan 15:8

Maparangalan u Ama ko ni magbunga kam ti makpal, sakay tu konna he a paraan ay mepeta moy a disepulus takam.

Gimet 9:36

Ti Joppa ay tehhod be a essa a bábbey a mánnampalataya, u ngahan na ay Tabita, (ti Griego, u ngahan na ay Dorcas, u gusto na a kagiyán ay ogsa.) Inyobus na u atanan a odas na tu pággimet ti maganda sakay tu págtulung tu mágkahirap hide.

1 Corinto 14:25

Sakay dipo tu págsaneg na matukuyan na u mágkadukás a hod tu puso na, kanya lumuhud siya sakay sumamba tu Diyos, sakay kagiyán na a, “Tahod! katoy ngani nikam u Diyos!”

2 Corinto 9:13

U pángngatád moy ay mangpatunay nide a tapat moy a sinunud u Maganda a Baheta tungkul ni Cristo. Dipo hina, magpure hide tu Diyos.

Galacia 1:24

Kanya pinure de u Diyos dipo tu ginimet na nikán.

Efeso 2:10

Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Efeso 5:8

Tu itod ay nabiyag kam tu kadiklámman pero nadid ay nademlagan kamon dipo katoy kamon tu Panginoon. Kanya ipeta moy tu kákkabiyag moy a nademlagan kamon.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

1 Timoteo 2:10

Nan u mágkaganda la a gimet u nebagay tu bábbey hide a maki-Diyos.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

1 Timoteo 5:25

Konna labe hod u agum a mágkaganda a gimet ay alisto a ketan; pero ni awan man mapansin a agad ay ketan labe iye dipo awan iye metagu ti atakdug a panahun.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Tito 2:7

Sakay hiko a mismo u mángpeta ti maganda tu atanan a gimitán mo tánni magin halimbawa ka tu atanan. Ipeta mo u katapatan tu págtoldu mo tánni ketan de a tatahoden u págserbi mo ni Cristo.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Tito 3:4

Pero nikuna nehayag dán nikitam u págmahal sakay kagbi nu Diyos a tagapagligtas tam,

Hebreo 10:24

Sakay pagsikapan tam a pabegsákkán u balang essa tu págmahal tu agum, sakay tu pággimet ti maganda.

1 Pedro 2:12

Dapat kitam a mabiyag ti maayus tu atubang nu Hentil hide, ta maski ni bintangán dikam ti madukás, pero ketan de u mágkaganda moy a gimet ay magpure hide tu Diyos káddemát nu aldew a kássole na.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

1 Pedro 3:1

Hikam a bábbey hide, pasakup kam tu kákkabanga moy hide. Ni tehhod palla nide a awan naniwala tu upos nu Diyos ay maakit la be ina hide dipo tu maganda moy a gimet. Maski ni awan kamon magpaliwanag nide,

1 Pedro 3:16

Pero magin magalang kam sakay magin mahinahun ni magpaliwanag kam. Dipo bilang tagapagserbi ni Cristo ay diyan tam pabayan a makagimet kitam ti liwat, tán u tolay hide a mangdáddusta nikitam ay mapasanike tu kákkagiyán de a kontara nikitam.

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.

1 Pedro 4:14

Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.