Mateo 5:12 - U Maganda A Baheta Ni Jesu-Cristo

¹² Konna labi hod u ginággimet nu tolay hide tu propeta ko hide tu itod. Magkasayaan kam a tahod dipo dakál u gantimpala moy ti langet.”

Mateo 5:12 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Lukas 13:34

Hikam a taga-Jerusalem hide, binábbuno moy u prupeta hide sakay binábbatikal moy u pinaangay hide nu Diyos a magtoldu nikam! Pumensangan takamon a gusto a lákkáppan a konna tu páglákkáp nu manok tu sepsep na hide, pero umád kam.

Lukas 6:23

Magsaya kam ti itona a aldew, lumokso kam ti saya dipo grabi't kadakál u gantimpala moy ti langet. Dipo konna labe hod u ginimet nu nuno de hide tu prupeta hide.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Gimet 16:25

Pero nikuna bállog dán ni gibi ay nagdasal di Pablo sakay ti Silas sakay nágkansiyon hide ti papure sakay págsamba tu Diyos. U agum a pireso ay mágsaneg nide.

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

Roma 5:3

Sakay masaya kitam maske ni maranasan tam u hirap hide, dipo matuto kitam a magtiis.

1 Corinto 3:8

U mágmula sakay u mágdilig ay pareho la a mágtarabaho sakay balang essa ay tumanggap ti gantimpala ayun tu pagud na.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

Filipos 1:29

Dipo ingkaluub nu Diyos nikam a sumampalataya ni Cristo pero bakán la a ina nan magtiis be ti hirap para nikuna.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

Colosas 3:24

Tukoy moy labe a te gantimpala kam tu Panginoon; tanggapán moy u inhanda na tu anak na hide. Dipo ti Cristo a Panginoon u págserbiyan moy.

1 Tesalonica 2:15

U Judio hide u nangpabuno tu Panginoon a ti Jesu-Cristo sakay tu prupeta hide tu itod. Sakay hide be u nangpasaket nikame. Sasala nu Diyos u ugali de, sakay kadima hide nu atanan a tolay!

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.

Hebreo 11:26

Imbilang na a mas mahalaga u magtiis para tu Mesias kasera tu kayamanan hide ti Egipto. Dipo nakatuun u isip na tu gantimpala hide a pademát.

Hebreo 11:33

Dipo tu pánnampalataya de tu Diyos, ay tinalo de u kahariyan hide, nabiyag hide ti matuwid sakay natanggap de u inpananto hide nu Diyos sakay napaamo de u liyon hide.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Santiagu 1:2

Kákkapatkákka ko hide, magsaya kam ni makadanas kam ti iba-iba a pagsubuk,

Santiagu 5:10

Kákkapatkákka ko hide, ahigán tam u prupeta hide a nangaral tu Upos nu Diyos, nagtiyaga hide a nagtiis tu kahirapan de hide.

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.