Mateo 5:10 - U Maganda A Baheta Ni Jesu-Cristo

¹⁰ Pinagpala nu Diyos u dáddustaán hide a tolay dipo gimitán de u kaluuben nu Diyos, hide u katolayan tu kahareyan na.

Mateo 5:10 ပူးပေါင်းရင်းမြစ်များ

Mateo 10:23

Ni dustaán di kam tu essa banuwan ay guminan kam tu iba. Kagiyán ku nikam a awan moy pa maangayan u atanan a banuwan ti Israel ay makademáták dán a Anak nu Tolay.”

Mateo 19:14

Pero kinagi ni Jesus, “Pabayan moy a umadeni nikán u anak hide. Dyan moy hide bawalan dipo tu kapareho de hide u pághareyan nu Diyos.”

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Mateo 5:3

“Pinagpala nu Diyos u tolay hide a umasa nikuna tu atanan a pangangailangan de, dipu u Diyos u hare de. Siya u mangpospos nide.

Markos 10:14

Nikuna a ketan ni Jesus u nangyare ay nagingál siya, sakay kinagi na tu disepulus na hide, “Pabayan moy a umadene nikán u anak hide, diyan moy hide bawalan, dipo maghare u Diyos tu anak hide.

Markos 10:30

ay siguradu a magkahod siya nadid a panahun ti dinatos-datos a bilay, kákkapatkákka, dáddikál, anak sakay ari-ariyan hide, peru te kaguman be a kahirapan. Sakay káttapos nu biyag ti lutaáy ay magkahod siya ti biyag a awan ti katapusan.

Lukas 21:12

Pero bagu a mangyare iye hide a atanan ay padakáp dikam sakay pahirapan. Iyangay dikam tu sinagoga hide para imbistigaan sakay ipepireso. Sakay dipo tu págsunud moy nikán ay iyatubang dikam tu hare hide sakay tu gubernador hide.

Lukas 22:29

Ni kodyaák a pinagkaluuben nu Ama ti karapatan a maghare, pagkaluuben takam be ti karapatan a maghare a konna nikán.

Lukas 6:20

Immileng ti Jesus tu disepulus na hide sakay kinagi na, “Pinagpala u mágkahirap hide nadid, dipo paghariyan kam nu Diyos!

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

Juan 15:20

Diyan moy kalimunan u kinagi ko nikam a awan ti alipin a mas higit tu amo na. Ni dinustaák de ay dustaán dikam be. Sakay ni sinunud de u upos ko ay sunudán di be u kagiyán moy.

Gimet 5:40

Pinadulaw de a huway u apostol hide sakay káttapos de hide a impabálbág sakay binawalan a mangaral tu ngahan ni Jesus ay pinalakad di dán hide.

Gimet 8:1

Nadid, ti Saulo ay kaguman tu pángbuno de ni Esteban. Ti itod a aldew a nagsapul u mahigpit a págpahirap tu mánnampalataya ti Jerusalem. Kanya kimmalat u atanan nu mánnampalataya hide ti Judea sakay ti Samaria. U apostol la hide u nawahak ti Jerusalem.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

Filipos 1:28

Diyan kam manteng tu kumalaban hide nikam dipo ni awan kam manteng ay saiye u pakatukuyan de a mepahamak hide pero hikam be ay iligtas nu Diyos.

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

2 Timoteo 3:11

Tukoy-tukoy mo u atanan a pággusig sakay hirap, a dinanas ko ti Antioquia, Iconio sakay ti Listra. Tiniis ko u hirap hide a iye pero inligtasák nu Panginoon tu atanan a iye.

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

Santiagu 5:11

Awan beman kákkagiyán tam a mapalad u tolay hide a mágtatiisán ti hirap. Nasaneg moy dán u tungkul ni Job tu págtiis na ti madágge a hirap, sakay tukoy moy dán be a tu katapusan ay pinagpala siya nu Panginoon. Ketan tam he a makákkagbiyán sakay mabait u Panginoon.

1 Juan 3:12

Dyan kitam umaheg ni Cain; Naghare nikuna ti Satanas. Binuno na u wadi na. Bakin? Dipo madukás u gimet na pero matuwid u gimet nu wadi na.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”