Mateo 4:24 - U Maganda A Baheta Ni Jesu-Cristo

²⁴ Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Mateo 4:24 ပူးပေါင်းရင်းမြစ်များ

Mateo 12:22

Nadid, te essa a tolay a hinayup a buhák sakay bulol pa be a inyangay de ni Jesus. Pinagpiyya ni Jesus u tolay kanya nakaupos sakay naketa dán.

Mateo 14:1

Nadid, tu panahun a itona ay nabaheta ni Hari Herodes Antipas a puno nu lugar a Galilea u ginimet ni Jesus.

Mateo 15:22

Hod ay te immadeni nikuna a bábbey a taga Canaan a mabegsák a magpakhaw a nákkekagbi nikuna “Panginoon a Anak ni David, kagbiyanák mu ped. U anak ko a bábbey ay hinayup. Pahirapan siya a tahod nu madukás a ispirito.”

Mateo 17:15

“Panginoon, mahabag ka tu anak ko a lállake! Siya ay magpatay sakay mahirapan a tahod ni sumpongán. Dipo palagi siya a meangay tu apoy oni tu dinom.

Mateo 17:18

Pinagkagiyan ni Jesus u demonyo sakay lummuwas iye. Nagpiyya a pagdaka u anak.

Mateo 4:23

Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Mateo 8:28

Nadid nikuna dimmemát hide tu dibilew nu minalno, tu lugar nu taga Gadara hide ay tinagbu siya nu duwwa a hinayup a lallake. Mágyan hide tu kuwe-kuweba a páglábbángngan nu tolay hide. Matapang hide a tahod kaya awan ti maare a tumaleb hod.

Mateo 8:33

Nikuna netan iye nu tagaalaga hide tu babuy ay ginuminan be hide a tamo tu banuwan de. Imbaheta de u atanan a nangyare pate u nangyare tu hinayup hide.

Mateo 8:6

Sakay kinagi na “Panginoon, u utusan ko a anak ay te katdug dálla tu bilay ko. Awan siya makaahikad. Grabe a tahod u pághirap na. Pagpiyyaán mu ped siya.”

Mateo 9:26

U baheta tungkul ti iye a pangyayari ay kinumalat tu buo a Galilea.

Mateo 9:35

Immangay ni Jesus tu atanan a banuwan sakay babaryo. Nagtoldu siya tu sinagoga di hide. Nagtoldu siya tungkul tu Maganda a Baheta tungkul tu pághare nu Diyos. Sakay maski hádya siya a umangay ay pinagpiyya na u tolay hide tu sakisaket de.

Markos 1:28

Dipo hod ay mabilis a kimmalat tu buo a Galilea u baheta tungkul tu ginimet ni Jesus.

Markos 1:32

Tu kássahám nu aldew ay inyangay de tu kán Jesus u atanan a te saket sakay u sináddáp hide ni madukás a ispirito,

Markos 2:3

Mentaras a magtoldu ti Jesus, ay te dimmemát a áppat a lállake, te usung hide a paralitiko.

Markos 2:4

Dipo tu kakpal nu tolay ay awan di meadene u paralitiko ni Jesus, kanya inyonek de u te saket tu atáp nu bilay sakay linákwab de u atáp tu tapat ni Jesus, sakay intonton de u paralitiko a ketidug tu ayod a kekkatdugen na.

Markos 2:9

Ánya beman u mas alisto, u kagiyán ti paralitikuwáy, ‘Napatawad dán u kasalanan mo hide,’ oni kagiyán a, ‘Tumaknág ka sakay tawidán mo dán i kekkatdugen muwe sakay maglakad ka’

Lukas 2:2

Iye u kadipalonguwan a págparehistro nikuna a ti Cirenio palla u gubernador ti Siria.

Lukas 4:14

Nadid, nagsole ti Jesus ti Galilea a tehhod a kapangyariyan nu Banal a Ispirito. Nebaheta tu banu-banuwan hod u tungkul nikuna.

Lukas 4:38

Limmakad ti Jesus tu sinagoga sakay tulos siya a immangay tu bilay ni Simon. Ti itod be ay tunay ti kahigpit u ladu nu katugngan a bábbey ni Simon kaya impákpagguhon de ni Jesus a pagpiyaán siya.

Lukas 5:15

Pero mas lalo pa a nekalat u baheta tungkul ni Jesus, kaya nagdemáttan u grabi't kakpal a tolay tán mágsaneg sakay mapagpiyya u saket de hide.

Lukas 5:24

Nadid, patunayan ko nikam a u Anak nu Tolay ay te kapangyariyan ti lutaáy a magpatawad ti kasalanan,” kinagi na tu paralitiko, “Tumaknag ka, tawidán mo i págkatdugan muwe sakay sole ka dán!”

Lukas 7:17

Kimmalat u baheta tungkul ni Jesus tu buo a Judea sakay tu palebut na hide a banuwan.

Juan 10:21

Pero kinagi be nu agum, “Awan makapagupos ti konna hina u sináddáp ni madukás a ispirito. Makapagpapiyya beman u sináddáp ni madukás a ispirito?”

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 15:23

Impatawed de u sulat a konna he: “Hikame a apostol hide sakay pupuno hide ay mangumusta tu kákkapatkákka tam a Hentil ti Antioquia, ti Siria sakay ti Cilicia.

Gimet 15:41

Immangay di Pablo ti Siria sakay ti Cilicia, sakay pinabegsák na u pánniwala nu mánnampalataya hide.

Gimet 28:9

Dipo ti iye a pangyayare ay nagdemáttan u agum hide a taga hod a tehhod a saket, sakay pinagpiyya na be hide.

Gimet 8:7

Maski u mágkadukás hide a Ispirito ay lummakad tu tolay hide a hinayup, sakay makán pakhawán a paluwas. Sakay makpal a lopog sakay pilay u nagpiyya.