Mateo 4:23 - U Maganda A Baheta Ni Jesu-Cristo

²³ Nadid immangay ti Jesus tu atanan a banuwan ti Galilea sakay nagtoldu tu sinagoga de hide. Intáttoldu na u Maganda a Baheta tungkol tu pághare nu Diyos. Sakay pinagpiyya na be u atanan a sakisaket nu tolay hide.

Mateo 4:23 ပူးပေါင်းရင်းမြစ်များ

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Mateo 12:9

Nadid linakaden ni Jesus u katriguwan sakay immangay siya tu sinagoga di hod.

Mateo 13:19

U pánghalimbawaan nu bine hide a neangay tu digdig nu dilan ay u essa a tolay a nakasaneg tu baheta tungkul tu pághare nu Diyos pero awan na iye naintendiyan. Dumemát ti Satanas, inagew na tu isip na u nasaneg na.

Mateo 13:54

Nagsoli ti Jesus tu banuwan na sakay nagtoldu siya tu sinagoga de. Nagtaka u nakasaneg hide sakay kinagi de “Hádya wád siya nakaalap tu karunungan na sakay kapangyariyan na a maggimet ti himala?

Mateo 14:14

Nikuna inumawas ti Jesus ay hod dán hod u makpal a tolay a naguhay nikuna. Nikuna netan na u makpal a tolay ay kinagbiyan na hide. Sakay pinagpiyya na u te saket nide.

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 9:35

Immangay ni Jesus tu atanan a banuwan sakay babaryo. Nagtoldu siya tu sinagoga di hide. Nagtoldu siya tungkul tu Maganda a Baheta tungkul tu pághare nu Diyos. Sakay maski hádya siya a umangay ay pinagpiyya na u tolay hide tu sakisaket de.

Markos 1:14

Nikuna a nepireso ti Juan ay immangay ti Jesus ti Galilea sakay nagtoldu hod siya tu Maganda a Baheta a gábwat tu Diyos.

Markos 1:21

Nadid ay immangay hide ti Capernaum. Tu Aldew nu Káimang ay simmáddáp ti Jesus tu Sinagoga sakay nagtoldu.

Markos 1:39

Sakay linebut na u buo a Galilea a nagtoldu tu Sinagoga hide sakay nagpaibut tu mágkadukás hide a ispirito a hod tu tolay hide.

Markos 3:10

Dipo makpal dán siya a pinagpiyya, dayuwán siya nu atanan a te saket tán para matawiden di la siya.

Markos 6:2

Káddemát nu Aldew nu Káimang ay immangay ti Jesus tu sinagoga sakay nagtoldu hod. Kakpalan tu nágsaneg nikuna ay nagtaka hide sakay nagtanungan hide, “Hádya na wád a inalap i karunungan na e? Sakay ánya iye a karunungan a neatád nikuna? Kodya siya a makagimet ti makataka-taka a bagay?

Markos 6:6

Nagtaka siya dipo umád de a maniwala nikuna. Linebut ni Jesus u babaryo tu palebut sakay tinolduwan na u tagahod hide.

Lukas 10:9

Pagpiyyaán moy u tehhod hide a saket hod sakay kagiyán moy nide, “Adene kamon a paghariyan nu Diyos.”

Lukas 13:10

Nadid, essa Aldew nu Káimang ay nagtoldu ti Jesus tu sinagoga.

Lukas 16:16

“U kautusan ni Moises sakay u insulat nu prupeta hide u sassunudan nu tolay hide hanggan dummemat ti Juan a Mágbawtismo. Sapul hod ay nepangaral dán u Maganda a Baheta tungkul tu pághare nu Diyos. Kaya makpal u magpilit a magin kaparte hod.

Lukas 20:1

Nadid, essa aldew mentaras a magtoldu ti Jesus tu templo sakay mangaral tu Maganda a Baheta, inadeniyan siya nu puno nu saserdote hide sakay u maisto hide nu kautusan sakay u puno hide nu banuwan.

Lukas 4:14

Nadid, nagsole ti Jesus ti Galilea a tehhod a kapangyariyan nu Banal a Ispirito. Nebaheta tu banu-banuwan hod u tungkul nikuna.

Lukas 5:17

Essa, aldew mentaras magtoldu ti Jesus ay te mággetnod a Pariseo sakay u maisto hide nu Kautusan. Gábwat hide tu iba-iba a banuwan ti Galilea, ti Judea sakay ti Jerusalem. Atoy ni Jesus u kapangyariyan nu Diyos a magpapiya tu te saket hide.

Lukas 6:17

Káttapos na a piliyán u disepulus na hide ay nanegson siya sakay tummáttaknág hide tu patag a lugar. Katoy hod, u kakpalan nu disepulus na hide sakay u makpal a tolay a gábwat ti Judea sakay Jerusalem, sakay u banuwan hide tu baybay nu Tiro sakay Sidon.

Lukas 6:6

Tu Aldew nu Káimang ay summáddáp ti Jesus tu sinagoga sakay nagtoldu. Te essa a lállake a patay u kawanan na a kamát.

Lukas 7:21

Ti odasan itod ay makpál u pinagpiyya ni Jesus: a te saket, u hinayup hide sakay u buhák hide ay maketa.

Lukas 7:22

Sakay timmábbeg siya nide, “Sole kamon tu kán Juan sakay kagiyán moy nikuna u netan sakay nasaneg moy. Naketa dán u buhák hide, makalakad dán u pilay hide, nagpiyya dán u kinetong hide, makasaneg dán u bángngág hide, nabiyag dán a huway u patay hide sakay nepangaral dán u Maganda a Baheta tu mágkahirap hide.

Lukas 8:1

Nadid, káttapos ni itod ay linebut ni Jesus u banu-banuwan sakay u babaryo hide. Impangaral na u Maganda a Baheta tungkul tu pághare nu Diyos. Kaguman na u sapulo ay ti duwwa a disepulus na,

Lukas 9:11

Nikuna matukuyan iye nu tolay hide ay timmagubet hide. Sakay masaya be hide a tinanggap ni Jesus sakay nangaral siya nide tungkul tu pághare nu Diyos. Pinagpiya na be u te saket hide.

Lukas 9:60

Pero kinagi na nikuna, “Ipebahala mu dán tu patay hide u páglábbáng tu kasapatay de hide. Pero hiko ay angay mo ibaheta u pághare nu Diyos.”

Juan 18:20

Timmábbeg ti Jesus, “Bulgaranák a magupos tu tolay hide. Pirmiyák a magtoldu tu Sinagoga hide, oni tu templo, ni hádya a magipun ipun u atanan a Judio hide. Awanák nagtoldu ti lihim.

Juan 6:59

I bagayan iye hide ay kinagi ni Jesus nikuna magtoldu siya tu bilay a págsambaan nu Judio hide ti Capernaum.

Juan 7:1

Nadid, káttapos ay linebut ni Jesus i Galilea. Umád na a umangay ti Judea dipo gusto siya a bunuwán nu puno nu Judio hide.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 18:4

Sakay kada Aldew nu Káimang ay angay mákpagpaliwanagen ti Pablo tu Judio hide sakay Griego tu sinagoga tánni maakit na hide a atanan a sumampalataya.

Gimet 20:25

Nákpággagumák nikam mentaras a mangaralák tu pághare nu Diyos. Nadid, tukoy ko a awanák moy dán ketan a huway.

Gimet 28:31

Mabegsák u isip na sakay malaya siya a nangaral tungkul tu pághare nu Diyos sakay tungkul tu Panginoon Jesu-Cristo.

Roma 10:15

Sakay kodya a makapangaral u deyaman ni awan siya inutusan? Ayun tu Kasulatan, “Anya dámben ti ganda a áelingán u pademát hide a magtoldu tu Maganda a Baheta.”