Mateo 3:15 - U Maganda A Baheta Ni Jesu-Cristo

¹⁵ Pero tinábbeg siya ni Jesus, “Pabayan mo padla a mangyari iye nadid. Dipo tu gimitán ta nadid ay matupad ta u atanan a utus nu Diyos a gimitán ta.” Kanya pinumayag ti Juan a bawtismuwan na ti Jesus.

Mateo 3:15 ပူးပေါင်းရင်းမြစ်များ

Mateo 3:14

Pero gusto ni Juan a hadlangan u plano ni Jesus kanya kinagi na nikuna “Hikán nakwa u kailangan a bawtismuwan mo pero nadid hiko pa u inumangay nikán.”

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Juan 13:15

Impeta ko nikam u halimbawa a dapat moy a ahigán kanya gimitán moy iye tu kaguman moy hide.

Juan 15:10

Ni sássunudán moy u utus ko ay manatile kam tu págmahal ko. Konna nikán, sássunudán ko u utus nu Ama, kanya manatiliyák tu págmahal na.

Juan 4:34

Kinagi ni Jesus nide, “U kanán ko ay u kássunud tu kaluuban nu nángpaangay he nikán, sakay u pángtupad tu pagimet na.

Juan 8:29

Pirme ko a kakaguman u nangpaangay he nikán, sakay awanák na páppabayan a mágge-essa, dipo pirme ko a gimitán u bagay hide a makasaya nikuna.”

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

1 Juan 2:6

Ni ti deya man u magkagi a nákpagkaessa siya tu Diyos ay dapat a mabiyag a konna tu kákkabiyag ni Jesu-Cristo.