Mateo 3:11 - U Maganda A Baheta Ni Jesu-Cristo

¹¹ Bawtismuwan ko ti dinom u tolay hide bilang tanda nu págsisi de pero u Tagapagligtas a dumemát ay mas makapangyariyan nan nikán. Awanák pa ngane karapatdapat a magin utusan na a tagatawed nu sapatus na. Siya u magbawtismo nikam tu Banal a Ispiritu sakay tu apoy.

Mateo 3:11 ပူးပေါင်းရင်းမြစ်များ

Mateo 3:6

Intapat de u kasalanan de sakay tulos hide a binawtismuwan ni Juan tu dinom a Jordan.

Markos 1:4

Sakay dimmemát ngani ti Juan a Tagapagbautismo tu kaparangan. Nagtoldu siya tu tolay hide a dapat hide a magsise tu kasalanan de sakay magpabawtismo támpara patawadán nu Diyos u kasalanan de hide.

Lukas 1:17

Mágdipalongo ti Juan tu Panginoon, u begsák sakay u kapangyariyan na ay konna ni prupeta a Elias, para pamágkasunduwán na a huway u ama, sakay u anak de hide. Pasoliyán na u tolay hide a masássuwayán tu Panginoon tu págsunud tu paraan a makasaya tu Diyos tánni makapaghanda hide tu káddemat nu Panginoon.”

Lukas 3:16

Pero timmábbeg ti Juan, “Bawtismuwan takam tu dinom, pero tehhod a dumemát a mas makapangyariyan nan hikán. Siya u mangbawtismo nikam tu Banal a Ispirito sakay tu apoy. Awanák dámmanla karapat-dapat a mangokbis tu sinelas na.

Lukas 3:3

Kanya linebut na u banuwan a magdibi-dibilew ti Jordan. Impangaral na tu tolay hide a dapat hide a magsise tu kasalanan de hide sakay magpabawtismo tánni patawadán hide nu Diyos.

Juan 1:15

Nagpatunay ti Juan tungkul nikuna, sakay iye u kinagi na: “Siya u gusto ko a kagiyán, nikuna a kinagi ko, ‘Tehhod a essa a dumemát a sumunud nikán a mas higit nan nikán, dipo baguwák a neenak ay katoy dán siya.’”

Juan 1:30

Siya u gusto ko a kagiyán nikuna a kinagi ko a, ‘Tehhod a essa a dumemát a sumunud nikán a mas higit nikán, dipo atoy dán siya baguwák a neenak.’

Gimet 1:5

Nagbawtismo ngane ti Juan tu dinom, pero awan magmalay ay mabawtismuwan kam be tu Banal a Ispirito.”

Gimet 19:4

Kanya kinagi ni Pablo, “U bawtismo ni Juan ay para tu tolay hide a nagsise dán tu kasalanan de. Pero kinagi nabe tu tolay hide a kailangan de a manampalataya tu dumemát a kasunud na a awan ti iba nan ti Jesus.”

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Gimet 8:38

Pinaimang nu pinuno u kalesa na sakay immogsad hide a duwwa tu dinom sakay binawtismuwan siya ni Felipe.

1 Corinto 12:13

Dipo atanan tam, maskin Judio oni ni Griego, alipin man oni malaya, ay nabawtismuwan tu eessa a Ispirito tánni magin essa a bággi. Sakay atanan tam ay nakatanggap tu eessa a Ispirito.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Tito 3:5

ay inligtas na kitam, bakán a dipo tu mágkaganda tam hide a gimet nan tu kagbi na la nikitam. Inligtas kitamon nu Diyos a kuman a neenak kitam a huway tu pamamag-itan nu Banal a Ispirito, dipo siya u nanglinis sakay nangatád ti bigu a biyag nikitam.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”