Mateo 3:1 - U Maganda A Baheta Ni Jesu-Cristo

¹ Nadid kállipas nu makpal a taon sakay nágyan padla ti Jesus ti Nazaret ay dummemát tu kaparangan ti Judea u essa a tolay a u ngahan na ay ti Juan a mágbawtismo. Sakay nágyan siya hod sakay nagsapul a nagtoldu.

Mateo 3:1 ပူးပေါင်းရင်းမြစ်များ

Mateo 11:11

Kagiyán ku nikam a tu atanan a nagin tolay ti munduwáy ay awan ti humigit pa nan ti Juan a mágbawtismo. Pero u pinakababa tu kahariyan nu Diyos ay higit pa nan ni Juan.

Mateo 11:7

Nikuna lumakad dán u disepulus ni Juan ay sinapulan a impaliwanag ni Jesus u patungkul ni Juan tu katolayan hide. Kinagi na nide “Anya beman u angay moy inileng tu kaparangan? Essa beman a mahina a lállake a konna tu kugun a alisto la idappay-dappay nu pahás?

Mateo 16:14

Sakay timmábbeg hide, “U kagi nu agum ay ti Juan a Mágbawtismo ka kan. Kinagi be nu agum, ti Elias ka kan. Sakay te magkagi pa be a ti Jeremias ka kan oni essa tu propeta hide.”

Mateo 21:32

Dipo immangay nikam ti Juan sakay intoldo na u matuwid a biyag sakay awan moy siya pinaniwalaan. Pero pinaniwalaan siya nu madukás hide a tagakolekta ti buwes sakay tu belyas hide. Netan moy iye, pero awan kam padi nagsisi sakay naniwala nikuna.”

Mateo 3:8

Ipeta moy u págsisi moy tu pamamagitan nu págsunud moy tu Diyos.

Markos 1:15

Kinagi na, “Dimmemát dán u odas sakay adene dán a maghare u Diyos. Kaya magsise kamon tu kasalanan moy hide sakay maniwala kam ti iye a Maganda a Baheta.”

Markos 1:2

Nagsapul iye nikuna natupad u insulat ni prupeta Isaias, “Katoy he u inutusan ko a mágdipalongo niko; Ihanda na u lakadán mo.

Lukas 1:76

Sakay hiko Anak ko ay dulawán de a prupeta nu Kataas-taasan a Diyos a makapangyariyan tu atanan; dipo hiko i mángdipalonguway a mánghanda tu paglakadan nu Panginoon,

Lukas 7:24

Kállakad nu inutusan hide ni Juan ay te kinagi ti Jesus tungkul ni Juan tu tolay hide: “Bakin angay kam tu parang? Ánya u gusto moy a ketan? Essa a kugun a iháhhapay-hapay nu pahás?