Mateo 28:3 - U Maganda A Baheta Ni Jesu-Cristo

³ U hupa na ay makasili a kumán a kilat, pareho be tu pudew nu damit na.

Mateo 28:3 ပူးပေါင်းရင်းမြစ်များ

Mateo 17:2

Alay de a he hod ay netan de a nag-iba u hupa ni Jesus: dummemlag a kumán a aldew u hupa na sakay pimmudew a makasili u damit na.

Mateo 28:4

Nagpágpág ti ánteng u bantay hide sakay natumba a konna tu essa a patay nikuna netan de u anghel.

Markos 16:5

Sakay simmáddáp hide tu páglábbángngan, tehhod hide a netan a essa a lállake a nakabadu ti malayon sakay mapudew a damit, sakay mággetnod siya tu danág ti kawanan. Kanya tunay u ánteng de.

Markos 9:3

Tunay ti pudew u damit na sakay makasile a ilingán, maskin ti deya ti munduwáy ay awan ti makapagpapudew ti konna hod.

Juan 20:12

sakay netan na u duwwa a anghel a nakadamit ti mapudew. Mággetnod hide tu nángdáttonan tu bangkay ni Jesus. U essa ay hod tu banda tu ulo, u essa be ay hod tu banda tu táttikádden na.

Gimet 1:10

Mentaras a umáeleng hide ti langet ay tehhod a duwwa a lállake a nakamapudew ti badu u bigla dálla a timmaknág tu háhhawisan de.

Pahayag 10:1

Nadid, kállipas ni iye ay naketaák dámman ti essa a makapangyariyan a anghel a gábwat ti langet. Nabalutan siya ti diklám sakay tehhod a balangaw tu ulo na. Magdemlag a kumán a aldew u hupa na, sakay kumán a adigi a apoy u tika-tikád na.

Pahayag 18:1

Nadid, káttapos ni iye ay naketaák ti essa a anghel a pasidung a gábwat ti langet. Makapangyariyan a tahod i anghelan iye. Makasile siya dipo tu kaluwalhatiyan na kanya dummemlag u buo a mundu.