Mateo 27:6 - U Maganda A Baheta Ni Jesu-Cristo

⁶ Inalap nu pupuno hide nu saserdote u pilak a silber sakay kinagi de, “Bawal tu Kautusan a iyatád u pilak a iye tu pagdáttonan tu handog nu templo. Dipo iye ay bayad tu biyag nu essa a tolay.”

Mateo 27:6 ပူးပေါင်းရင်းမြစ်များ

Mateo 23:24

Buhák kam a tagagiyya! Ibut moy u langaw tu ainuman moy pero itallán moy u maski u dakal a hayop konna tu kamelyo!

Mateo 27:5

Imbudas ni Judas u pilak a silber tu disalad nu templo sakay limmakad sakay káttapos ay nagbitte.

Mateo 27:7

Nagkaessa hide a u pilak ay ibali de ti luta nu mággimet ti páglutuwan ti banga para magin páglábbangan tu taga iba hide a bansa.

Markos 7:11

Pero itáttoldu moy be, a kapag kinagi nu anak tu dáddakál na; u tulung a iyatád na nakwa nide ay korban (U gusto na a kagiyán ay nakalaan dán tu Diyos)

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.