Mateo 27:51 - U Maganda A Baheta Ni Jesu-Cristo

⁵¹ Bigla a napisad tu bállog u kortina nu templo, sapul ti ontok hanggan ti sidung. Naglinog tu luta sakay nabisag u dadangli hide.

Mateo 27:51 ပူးပေါင်းရင်းမြစ်များ

Mateo 27:54

Nanteng a tahod u kapitan sakay u sundalo hide a nagbantay ni Jesus nikuna nabati de u linog sakay netan de u atanan a nangyare. “Tahod ngane a siya ay Anak nu Diyos!” kinagi de.

Mateo 28:2

Káddemát de hod ay bigla a naglinog ti mabegsák dipo ummogsad gábwat ti langet u essa a anghel nu Panginoon. Ingulong na u bito a nakatakáp tu lábbang sakay immetnud tu dibbew na.

Markos 15:38

Ti itod be ay bigla a nahate u kortina tu disalad nu Templo, sapul ti ontok hanggan ti sidung.

Lukas 23:45

Nawanan ti demlag u aldew, sakay bigla a nahate ti bállog u partisyon a kortina nu templo.

Lukas 23:47

Nikuna ketan nu kapitan nu sundalo hide u nangyare ay nagpure siya tu Diyos. “Talaga a malinis i tolayan iye!” kagi na.

Hebreo 6:19

Iye a pag-asa tam ay matibay sakay matatag a angkla nu biyag tam. Dipo umabut iye hanggan tu dilupot nu kortina nu templo ti langet, a kabanal-banalan.

Hebreo 9:3

U kaduwwa a parte ay atoy tu dilupot nu kortina a dáddulawán a Lugar a Kabanalan.

Pahayag 11:13

Naglinog ti tunay a begsák ti itod be a odas. Nasida u kasapulo a parte nu banuwan, sakay pitto a libu a tolay u natay. Mineántingan u nabuhay hide a tolay, kaya tinengge de u kadakilaan sakay kapangyariyan nu Diyos ti langet.

Pahayag 11:19

Nabukasan u templo nu Diyos ti langet kaya áelingán u Kaban nu Kasunduwan tu disalad nu templo. Sakay káttapos ay nagkilat sakay nagkádduh. Masaneg be u mágkabegsák a hehaw, sakay maglinog be, sakay maguden ti iyelo.