Mateo 27:50 - U Maganda A Baheta Ni Jesu-Cristo

⁵⁰ Sakay huway a pimmakhaw ti Jesus sakay natay.

Mateo 27:50 ပူးပေါင်းရင်းမြစ်များ

Mateo 20:28

Konna tu Anak nu Tolay a awan ummangay para pagserbiyan nan para magserbi sakay iyalay na u biyag na para matubos u kakpalan.”

Mateo 27:49

Pero kinagi be nu agum, “Maguhay ka pa, ilengán tam ni dumemát ti Elias para iligtas siya!”

Markos 15:37

Pimmákhaw ti mabegsák ti Jesus sakay káttapos ay nahángsatan dán siya.

Lukas 23:46

Pimmákhaw ti mabegsák ti Jesus, “Ama, ipabahala ku dán niko i ispirito kuwáy!” Sakay tu pákkakagi na hod ay nahángsatán dán siya.

Juan 10:11

Hikán u mabait sakay matapat a mággalaga a pastol U mabait sakay matapat a mággalaga ti tupa ay handa na a iyatád u biyag na para tu tupa hide.

Juan 10:15

A konna bihod u Ama ko tukoy-tukuyák na sakay tukoy-tukoy ko be siya. Handa ko a iyalay u biyag ko para tu tupa hide.

Juan 19:29

Tehhod hod a essa a malukung a putat ti alak. Imbisa hod nu sundalo hide u damit, sakay insálpet de tu pinget nu kayo a isopo sakay inyadene de tu labi ni Jesus.

Juan 19:30

Nikuna a masápsáp dán ni Jesus u alak ay kinagi na, “Natapos dán.” Indukog na u ulo na sakay nabágsutan siya ti angás.

Hebreo 2:14

Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

Hebreo 5:7

Nikuna a katoy palla ti Jesus ti lutaáy, ay insanget na a magdasal sakay nákkekagbi tu Diyos a makapángligtas nikuna tu kamatayan. Kanya tinábbeg siya nu Diyos dipo tatahoden u págpakababa na.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.