Mateo 27:42 - U Maganda A Baheta Ni Jesu-Cristo

⁴² “Inligtas na u agum pero u sadili na ay awan na meligtas! Awan beman siya u Hari ti Israel? Ni umogsad la siya nadid tu kudus ay maniwala kami nikuna!

Mateo 27:42 ပူးပေါင်းရင်းမြစ်များ

Mateo 2:2

Nágtatanungán hide tu tolay hide a mágyan hod “Hádya a neenak u anak a magin Hari nu Judio hide? Netan me hod ti Sikatan a lummitaw u biton a tanda nu kákkaenak na. Kanya inumangay kami he para ipeta mi u págsamba me nikuna.”

Mateo 27:37

Nesulat tu ontok nu kudus u nagin kasalanan na: “Ti Jesus, u Hare nu Judio hide.”

Mateo 27:40

nagkagi, “Awan beman hiko u mángsida tu templo sakay kagi mo a huway mo gimetan itod tu loob nu tállo a aldew? Kaya iligtas mo nadid u sadili mo! Ni hiko talaga u Anak nu Diyos, umogsad ka hina tu kudus!”

Mateo 27:41

Sinesti be siya nu pupuno hide nu saserdote, nu maisto hide nu Kautusan ni Moises sakay nu pinuno nu banuwan. Kinagi de,

Markos 15:31

Konna bi hod u pángdusta nikuna nu puno hide nu Saserdote hide sakay tu tagapagtoldu hide tu Kautusan. Kinagi de tu balang essa, “Inligtas na u agum, pero awan na meligtas u sadile na!

Markos 15:32

Ni ketan tam a umogsad ti kuduse i Hari kane ti Israel ay maniwala kitamon nikuna a siya u Cristo!” Sakay sinesti be siya nu duwwa a nepako a kaguman na.

Lukas 19:38

Kinagi de, “Puriyán u Hare a mágdadedemát tu ngahan nu Panginoon! Puriyan u Diyos dipo te kapayapaan ti langet!”

Lukas 23:35

Mágtáknág hod u tolay hide a mággeleng, mentaras a sássestiyan siya nu puno hide nu banuwan. Kinagi de, “Inligtas na u agum, nadid ni talaga a siya u Cristo a pinile nu Diyos ay iligtas na be i sadile nae!”

Lukas 23:37

sakay kinagi de, “Ni hiko ngane u Hare nu Judio hide, iligtas mo i sadile muwe!”

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Juan 12:13

Kanya nangalap hide ti palmera sakay limmuwas hide tu banuwan sakay tinagbu de siya. Pimmákhaw hide, “Puriyán u Diyos! Pagpalaan u pademát tu ngahan nu Panginoon. Puriyán u Hare nu Israel.”

Juan 12:47

U deya man a nakasaneg tu toldu ko hide pero umád a sumunud ay awan ko siya hatulan. Dipo awanák he immangay para hatulan i munduway nan iligtas u tolay hide.

Juan 9:24

Kanya huway a impadulaw nu Judio hide u buhák sakay kinagi de nikuna, “Isumpa mo tu atubang nu Diyos a tatahoden u ikagi mo nikame. Awan maare a ti Jesus u nángpapiyya niko, ta makasalanan siya a tolay.”

Gimet 4:14

Magupos pa nákwa hide kontara tu makataka-taka a ginimet di Pedro sakay ti Juan, pero dipo mágtaknág tu adene de u tolay a pinapiyya de ay timmahimik dálla hide.