Mateo 27:32 - U Maganda A Baheta Ni Jesu-Cristo

³² Kálluwas de tu banuwan, netan de u essa a lállake a nginahanan a Simon, essa a taga-Cirene. Pinilit de ipabaklay nikuna u kudus ni Jesus.

Mateo 27:32 ပူးပေါင်းရင်းမြစ်များ

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Mateo 5:41

Ni ipilit a ipasakbet nu essa a tolay u karga na niko ti essa a kilometro ay sakbitán mo u karga na ti duwwa a kilometro.

Markos 15:21

Mentaras a maglakad hide ay natagbu de ti Simon a taga-Cirene a ama di Alejandro ay ti Rufo, gábwat siya tu uma na. Pilit de a impabáklay nikuna u kudus ni Jesus.

Lukas 23:26

Nikuna iyangay di dán ipako ti Jesus ay natagbuwan de ti Simon a taga-Cirene a kággábwat na tu uma. Binehbeh di siya sakay pilit a impabáklay u kudus nikuna sakay pinaunonod de ti Jesus.

Juan 19:17

Sakay limmuwas hide tu banuwan. Impabáklay de ni Jesus u kudus na a paangay tu lugar a dáddulawán a “Bungo” (a tu upos ni Hebreo ay Golgota).

Gimet 11:20

Pero u iba tu mánnampalatay hide a taga-Chipre sakay taga-Cirene, a immangay ti Antioquia sakay nangaral be tu Griego hide tu Maganda Baheta tungkul tu Panginoon a ti Jesu-Cristo.

Gimet 13:1

Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

Gimet 2:10

Tehhod pa nikitam a taga-Frigia sakay Panfilla, Egipto sakay u lugar hide a sakup ni Libia a adene ti Cirene. Katoy bihod u taga-Roma hide u Judio sakay u naakit hide tu rilihiyon de.

Gimet 6:9

Nákpagtábbegan ti Esteban tu sangan a kaguman tu sinagoga nu Pinalaya hide, hide ay u Judio hide a taga-Cirene, taga-Alejandria, taga-Cecilia, sakay taga-Asia.

Gimet 7:58

Binehbeh de ti Esteban hanggan tu luwas nu banuwan para batikalán. He di hod siya a binábbatikal hanggan a matay. U tolay hide a nangtistigu ay inuba de u damit de sakay inyatád de ni Saulo.