Mateo 27:19 - U Maganda A Baheta Ni Jesu-Cristo

¹⁹ Bakán la a ina. Alay na a nakaetnud tu pághukoman, impekagi nikuna nu kabanga na, “Dyan ka mák-alam ti tolayan ina a awan ti kasalanan dipo tu gibi he ay pinahirapanák nu tagináp ko a patungkol nikuna.”

Mateo 27:19 ပူးပေါင်းရင်းမြစ်များ

Mateo 1:20

Pero nikuna a nabuo dán tu isip na a gimitán iye ay pinumeta u essa a anghel nu Panginoon nikuna tu tagináp na. Kinagi nu anghel nikuna, “Jose a lahe ni David, dyan ka magduwaduwa a mangkabanga ni Maria, dipo u anak a katoy tu tiyan na ay gimet nu kapangyariyan nu Banal a Ispiritu.

Mateo 2:19

Nadid nikuna a natay ti Herodes, ay te essa a anghel nu Panginoon a pinumeta tu tagináp ni Jose hod ti Egipto.

Mateo 2:22

Pero nikuna nabaheta ni Jose a u pinumalit ni Herodes bilang hare ti Judea ay u anak na a ti Arquelao ay nanteng siya a sumoli hod. Sakay binawalan siya nu Panginoon tu pamamagitan nu tagináp kanya immangay siya ti Galilea.

Mateo 27:18

Dipo tukoy ni Pilato a seni u dahilan de ni bakin a inyangay de nikuna ti Jesus.

Mateo 27:24

Nikuna a netan iye ni Pilato a awan siya ti magimet sakay makay magkagulo pa u tolay hide ay nagpaalap siya ti dinom sakay nagguges tu kamát na tu atubang nu tolay hide. “Awanák ti pananagutan ti kákkatay ni tolayan iye. Bahala kamon!” kagi ni Pilato.

Mateo 27:4

Kinagi na, “Nagkasalaák! Intokyon ko u tolay a awan ti kasalanan.” “Anya u pákalam mi? Bahala ka hina!” tábbeg de.

Lukas 23:41

pero hikita la a duwwa la u dapat maparusaan ti kamatayan dipo tu ginimet ta hide a kasalanan. Pero i tolayan iye ay awan ti ginimet a madukás.”

Lukas 23:47

Nikuna ketan nu kapitan nu sundalo hide u nangyare ay nagpure siya tu Diyos. “Talaga a malinis i tolayan iye!” kagi na.

Juan 19:13

Nikuna a masaneg iye ni Pilato ay inluwas na ti Jesus tu palasyo na. Káttapos, immetnod siya tu áetnuden nu tagahatul, tu lugar a ni dulawán ay plasa a samento (tu upos a Hebreo ay “Gabata.”)

Gimet 12:21

Nikuna aldew dán nu pákpágguhon ni Herodes tu taga-Tiro hide sakay tu taga-Sidon hide ay insulot na u damit na a panghare sakay nággetnod tu trono sakay nagupos.

Gimet 18:12

Pero nikuna maging gobernador ti Galion ti Acaya ay namágkaessa u Judio hide a dakáppán ti Pablo sakay inyangay tu pághatulan.

Gimet 18:16

Sakay pinaluwas na hide tu pághatulan.

Gimet 18:17

Kanya ti Sostenes a puno nu sinagoga u sinunggaban de sakay binálbág tu luwas nu pághatulan. Pero awan itod rinipara ni Galion.

Gimet 25:10

Pero timmábbeg ti Pablo, “Katoyák he a mágtaknág tu atubang nu pághatulan nu hare ti Roma, kanya dapatay ay hedák dán he a litisán. Awanák ti nagimet a kasalanan tu Judio hide, tukoy mo itona.

Gimet 25:17

Nikuna dimmemát he hide ay awanák dán nagabala; kaya tu kadimadimangan labe ay nággetnudák tu pághatulan sakay inyutus ko a iyangay de he i tolayan itod.

Gimet 25:6

Nagpalipas pa ti Festo ti walo oni sapulo a aldew ti Jerusalem, sakay nagsole ti Cesarea. Tu kadimadimangan ay immangay siya tu pággimbistigaan sakay inyutus na a iyangay di nikuna iyatubang ti Pablo.

1 Pedro 2:22

Maski nikan ay awan siya nagkasala sakay nagbule-bule.

1 Juan 2:1

Anak ko hide, insulat ko iye hide nikam tánni awan kam magkasala. Pero ni magkasala man u deyaman ay te mángsuhog nikitam, u Ama. Siya ay ti Jesu-Cristo, u Matuwid.