Mateo 26:58 - U Maganda A Baheta Ni Jesu-Cristo

⁵⁸ Tummagubet nikuna ti Pedro pero adeyo u agwat de. Káddemát na tu bilay ni Caifas ay simmáddap siya tu sural sakay naggetnud a kaguman u guwardiya hide tánni metan na ni anya u mangyari.

Mateo 26:58 ပူးပေါင်းရင်းမြစ်များ

Mateo 26:3

Nadid u pupuno hide nu saserdote sakay u pinuno hide nu banuwan ay nagpisanpisan hod tu dakal a bilay nu pinakapuno a saserdote a ti Caifas.

Mateo 5:25

Ni te mángkaso niko ay ayusán mu dán u problema bagu kam a humarap tu huwes. Dipo ni hod ka dán hod sakay natalo ka tu kaso ay ipepireso ka nu huwes tu pulis.

Lukas 22:54

Dinakáp di ngane ti Jesus sakay inyangay de tu bilay nu pinakapuno a saserdote. Immunonod nide ti Pedro pero adeyo la.

Juan 18:25

Nadid, nikuna a mágtaknág ti Simon Pedro a adene tu apoy a magendu. Tinanung siya nadid nu katoy hod hide, “Awan beman essa ka be tu disepulus na hide?” Impamen iye ni Pedro, “Awan.”

Juan 19:6

Nikuna a ketan siya nu pupuno hide a Saserdote sakay tu guwardiya hide ay pimmákhaw hide, “Ipako siya tu kudus! Ipako siya tu kudus!” Pero timmábbeg ti Pilato, “Hikam dálla u mangalap nikuna a mángpako tu kudus, dipo ni hikán la ay awanák ti ketan a kasalanan na.”

Juan 7:32

Nikuna a nasaneg nu Pariseo hide u pamágguhunan nu tolay hide tungkul ni Jesus, u pinuno nu Saserdote hide ay nagutus ti guwardiya tu templo para dakáppán ti Jesus.

Juan 7:45

Nagsole u guwardiya hide tu templo, tu nagutus nide a pinuno a saserdote hide sakay tu Pariseo hide. Tinanung de u guwardiya hide, “Bakin a awan moy siya inyangay he?”

Gimet 5:22

Pero káddemát hod nu guwardiya hide ay awan dán u apostol hide. Kanya nagsole hide tu pággipun-ipunan de sakay konna he u imbaheta de,

Gimet 5:26

Kanya immangay u puno nu guwardiya hide tu templo, kaguman na u sundalo na hide. Ingkuyog de u apostol hide, pero awan de hide pinuwersa dipo manteng hide a budasán hide nu tolay hide.