Mateo 26:55 - U Maganda A Baheta Ni Jesu-Cristo

⁵⁵ Sakay inatubang na u tolay hide sakay kinagi, “Hikán beman ay tulisan a immangay kam he a te tawed a attak sakay batuta hide para dakápannák moy? Aldew aldew, hikán ay nagtoldo tu templo pero awannák moy dinakáp.

Mateo 26:55 ပူးပေါင်းရင်းမြစ်များ

Mateo 21:23

Nadid simmádap dámman ti Jesus tu templo. Alay na a nagtoldo, immadeni nikuna u pupuno nu saserdote hide sakay u pinuno nu banuwan sakay tinanong di siya, “Anya u karapatan mo a maggimet ti hide iye a bagay? Deya u nangatad niko ti kapangyariyan?”

Mateo 26:47

Magupos padla ti Jesus nikuna dimmemát ti Judas, essa tu sapulo ay ti duwwa. Te kaguman siya a makpal a tolay a te tawed a attak sakay batuta. Gábwat hide tu pupuno nu saserdote hide sakay tu pinuno nu banuwan.

Markos 10:1

Nadid ay limmakad di Jesus ti Capernaum, immangay hide tu lugar a Judea, sakay immahabes ti Jordan. Makpal dámman a tolay u inumangay hod nikuna, sakay konna tu date na gággimitán, tinolduwan na hide.

Markos 12:35

Nadid, tu págtoldu ni Jesus tu Templo ay tinanung na u tolay hide, “Bakin a kákkagiyán nu tagapagtoldu hide tu Kautusan a u Cristo ay anak ni David?

Lukas 19:47

Sakay aldew-aldew ay nagtoldu siya tu Templo. Gusto siya a ipabuno nu puno nu saserdote hide, nu maisto hide nu Kautusan sakay u ama-amaan hide tu banuwan.

Lukas 20:1

Nadid, essa aldew mentaras a magtoldu ti Jesus tu templo sakay mangaral tu Maganda a Baheta, inadeniyan siya nu puno nu saserdote hide sakay u maisto hide nu kautusan sakay u puno hide nu banuwan.

Lukas 4:20

Káttapos ni Jesus a nangbasa tu kasulatan ay linukot na itod sakay insole na tu mágserbi tu sinagoga. Nággetnod Siya para mangaral dán. Sakay ináeleng siya nu atanan a tolay a atoy hod,

Juan 7:14

Nikuna bállog dán nu kasayaan ay immangay ti Jesus tu templo sakay nangaral.

Juan 7:28

Mentaras a magtoldu ti Jesus tu templo ay kinagi na ti mabegsák, “Tatahoden beman a matenggiyák moy sakay tukoy moy ni hádyaák a gábwat? U tatahoden ay awanák he immangay tu sadile kula a kagustuwan. U tunay a Diyos u nangpaangay he nikán, pero awan moy siya matengge.

Juan 8:2

Tu dimadimang, mentaras a maaga palla ay nagsole ti Jesus a huway tu templo. Makpal a tolay u immadene nikuna, kanya immetnod siya sakay nagtoldu siya hide.

Juan 8:20

Iye u kinagi ni Jesus nikuna a nagtoldu siya tu templo, tu adene tu págdáttonan ti alay. Pero awan ti nangdakáp dipo awan palla dimmemát u odas na.