Mateo 26:42 - U Maganda A Baheta Ni Jesu-Cristo

⁴² Huway siya a ummadeyo sakay nagdasal “Ama ko, ni awan maari ibutan i pághirapan iye ni awan ko magimet ay sunudán ko u kagustuwan mo.”

Mateo 26:42 ပူးပေါင်းရင်းမြစ်များ

Mateo 20:22

“Awan moy tukoy u agidán moy,” kagi ni Jesus nide. “Makaya moy beman a tággadan u hirap a tiisán ko?” “On,” tábbeg de.

Mateo 26:39

Immadeyo ti Jesus ti sabadit, dinumapa siya sakay nagdasal a, “Ama ko, ni maaari ay ibutan mo nikán i pághirapan iye. Pero bakan a u gusto ko ni awan u gusto mo u mangyare.”

Mateo 26:43

Huway siya a nagsoli sakay dinemáttan na dámman hide a tidug dipo grabe u tongka de.

Mateo 6:10

Masoh kami a hiko u maghari tu atanan a tolay ti munduwáy. Nakwa sunudán nu atanan a tolay u kagustuwan mu he ti munduwáy a konna tu págsunud de hina ti langet.

Markos 14:36

Impagdasal na, “Ama, Ama ko! Tukoy ko a magimet mo u atanan a bagay. Ni maare ay diyanák mo ped pabayan a maghirap. Pero bakán a u kagustuwan ko u masunud nan u kagustuwan mo.”

Lukas 22:42

Kinagi na, “Ama, ni maare ay iyadeyo ped nikán i pághirapan iye. Pero bakán a u kagustuwan ko u masunud nan u kagustuwan mo.”

Juan 6:38

Dipo immogsadák a gábwat ti langet, bakán a para gimitán ko u sadile ko a kagustuwan nan u kagustuwan nu Ama ko a nangpaangay he nikán.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.