Mateo 25:6 - U Maganda A Baheta Ni Jesu-Cristo

⁶ “Pero nikuna hatinggabi dán ay te pimmakhaw ‘Atoy dán u lállake a ikasal! Tumagbu kamon!’

Mateo 25:6 ပူးပေါင်းရင်းမြစ်များ

Mateo 24:31

Tu mabegsák a tánnog nu tambuli, iyutus na tu anghel na hide a angay tu buo a mundo sakay pisanan de u tolay hide nu Diyos.”

Mateo 24:44

Kaya magin handa kam a pirmi dipo dumemát u Anak nu Tolay tu panahon a awan moy asaan.”

Mateo 25:1

Kinagi pa ni Jesus “Kona he a talinghaga a mepareho u kahariyan nu Diyos: Te sapulo a mámmadiket a amigo nu ikasal hide. Ayon tu kaugalian de, tu aldew nu kasal ay tagbuwan de u lállake a ikasal a te tawed u bawat essa nide a simbuwan.

Mateo 25:31

Sakay kinagi pa ni Jesus “Dumemát u Anak nu Tolay bilang Hari, kaguman na u atanan a anghel. Sakay maghare siya tu atanan.

Mateo 25:5

Nalay a dimmemát u lállake a ikasal, kanya nágtonka dán hide a atanan sakay netidug.”

Mateo 25:7

Pagdaka ummikat u sapulo a mámmadiket sakay inayos de u bawat simbuwan de.

Lukas 12:20

Pero kinagi nu Diyos nikuna, ‘Awan ka ti tukoy! Ti iye be a gibi ay matay ka! Kándeya nadid a meangay i inhanda muwe hide para ti sadile muwe?’”

Lukas 12:46

Dumemát u amo na tu odas a awan na asa-asaan sakay tu odas a awan na tukoy. Kaya ipisan siya nu amo na tu tolay hide a masassuwayan a parusaan.”

1 Tesalonica 4:16

Ti aldiwan itod a kassidung nu Panginoon a gábwat ti langet, ay tehhod a masaneg u tolay hide a mabegsák a utus, a ipakhaw nu arkanghel, sakay u tánnog nu trumpeta nu Diyos. U nágkatay dán hide a mánnampalataya ni Cristo ay biyagán pa.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

Pahayag 16:15

Sakay pinisan nu ispirito hide u hare hide tu lugar a dáddulawán a Armagedon, tu upos a Hebreo. (Iye u babala nikam nu Panginoon Jesus, kinagi na a, “Pakasanigán moy! Dumemátták a konna tu káddemát nu mágtakaw! Pinagpala u pirme a lukag sakay awan nageklas tu badu na; tán awan siya mepasanike a maglakad a eklas tu atubang nu katolayan!”)