Mateo 25:43 - U Maganda A Baheta Ni Jesu-Cristo

⁴³ Hikán ay nagin dayo tu banuwan moy pero awannák moy pinatulos ti maganda. Hikán ay awan ti mesulot pero awannák moy ináttadden ti damit. Nagkasakiták pero awanák moy inasikaso. Hikán ay nepiriso pero awannák moy binisita.’

Mateo 25:43 ပူးပေါင်းရင်းမြစ်များ

Mateo 25:36

Hikán ay awan ti mesulot pero ináttadden moy ti damit. Nagkasakiták tapos inasikasoák moy. Hikán ay nepiriso tapos binisita moy.’

Mateo 25:42

Dipo hikán ay nagaláp pero awannák moy pinakan, nauwaw pero awannák moy pinainom.

Mateo 25:44

Sakay tummábbeg be hide, ‘Panginoon, nikan mi ka a netan a nagaláp oni nauwaw oni nagin dayo oni nawanan ti mesulot oni te sakit oni atoy tu piresuwan sakay awan mi ka pinagserbiyán?’

Gimet 15:36

Kállipas nu sangan a aldew ay kinagi ni Pablo ni Bernabe, “Angen ta soliyán sakay bisitaán u kákkapatkákka tam hide tu banuwan hide a nangaralan ta tu Upos nu Panginoon. Sakay ilingán ni anya dán i kalagayan diyay.”

Hebreo 13:2

Diyan moy kalimunan a magpatulos tu dayuhan hide. Tehhod a sangan a naggimet ti konna he, nakapagpatulos hide tu anghel hide a awan de namalayan.

Hebreo 13:3

Isipán moy u nágkepireso hide a kumán a kaguman dikam a nakapireso. Sakay tulungan moy u kákkapatkákka a apiyadu a kumán a hikam u magdanas be ti konna hod.