Mateo 25:30 - U Maganda A Baheta Ni Jesu-Cristo

³⁰ Iyangay moy tu kadihámman tu luwas u utusan a awan ti kabuluhan. Hod siya a magsanget sakay magaadoyan.’”

Mateo 25:30 ပူးပေါင်းရင်းမြစ်များ

Mateo 13:42

Ibut hide nu anghel tu impiyerno sakay hod hide a mágsasangitán sakay mággáadoyán tu hirap.

Mateo 13:50

Iyangay de u makasalanan ti impiyerno. Hod ay mágsasangitán hide sakay mággáadoyán.”

Mateo 22:13

Kaya kinagi nu hare tu utusan na hide ‘Gilotán moy u kamát na sakay tikád sakay itapduk siya tu pinakamadihám a lugar a hod tu luwas. Hod ay mághirap siya ti grabe sakay mággaadoyan’ ”.

Mateo 24:51

Grabe a higpit u magin parusa nu amo ti alipin an itod. Iyangay siya tu lugar a kaguman u mapagkunware hide. Hod hide a maghirap a tahod sakay mággaadoyán.”

Mateo 3:10

Maski nadid ay inhanda dán nu Diyos u wasay a págkáttol tu gimugimut nu kayokayo. Dipo u kayo a awan ti maganda a bunga ay káttulán sakay ibut tu apoy.

Mateo 5:13

Kinagi pa ni Jesus nide “Hikam ay kumán a asen ti munduway. Ni mawan u lasa nu asen, awan dán ti paraan a mesoli pa u lasa na. Awan dán ti serbi u asen kaya ibut dálla sakay gággemmakan dálla nu katolayan.

Mateo 8:12

Pero makpal tu Israelita hide a dapat a mesali ay awan mesali tu handaan. Hod hide a iyangay ti impiyerno. Hod hide a magsanget sakay maghirap a tahod.”

Lukas 13:28

Mágsasangitán kam sakay magngahitáb u ngipa-ngipán moy kapag ketan moy a katoy tu kahariyan nu Diyos di Abraham, Isaac sakay ti Jacob sakay u atanan nu prupeta hide sakay hikam ay palayasán tu luwas.

Juan 15:6

U awan manatile nikán ay konna tu pinget a malanás sakay ibábbut, káttapos ay ipunán a ibut tu apoy para tutudán.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

2 Pedro 2:17

U kapareho ni mágkabuliyán iye hide a tagapagtoldu ay u sapa hide a nasáttan sakay tu diklám a inyáppah nu mabegsák a pahás. Inhanda dán nu Diyos u grabit diham a lugar para nide.

Judas 1:13

Sakay kumán hide a tagmák nu diget a u bula na ay u makasanike de hide a gimet; kumán be hide a netawtaw a biton a nelaan tu awan ti kahád a kadiklámman.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”