Mateo 24:49 - U Maganda A Baheta Ni Jesu-Cristo

⁴⁹ Sakay sapulan na a bálbagán u kapareho na a utusan sakay mákpágkainan sakay mákpáginoman tu lasingero hide.

Mateo 24:49 ပူးပေါင်းရင်းမြစ်များ

Mateo 18:28

Pero kállakad na hod ay nakatagbo na u essa tu kapareho na a utusan a te utang a 500 a piso nikuna. Tinawedán na iye tu bukhaw na sakay kinagi na ‘Magbayad ka tu utang mo nikán!’

Mateo 24:48

Pero ni madukás i utusanan itod ay isipan na ‘Malay pa bagu a sumoli u amo ko.’

Mateo 24:50

Magsoli u amo ni utusanan itod tu aldew a awan na asaan sakay tu panahon a awan na tukoy.

Mateo 7:15

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide.

Juan 2:10

kinagi na, “Karanyuwan, u masarap a alak u idipalongo de a ipainom tu naimbitaan hide. Ni nakainom dán hide ay hod di la a iluwas u mababa a kalase ni alak. Pero iba ka, dipo nadid mu la a inluwas u pinakamasarap a alak.”

Roma 16:18

U tolay hide a konna hina ay awan magserbi tu Panginoon Jesu-Cristo, ni awan tu sadile de a hangad. Lállokuwán de la u kulang hide ti karunungan tu pamamag-itan nu mágkagaganda de a pággupos.

2 Corinto 11:20

U tatahoden, págtatiisan moy la a alipinán dikam, maski ni lokuwán dikamon, áagiwan ti kayamanan, badit-baditán dikam sakay ipasanike ay tiisán moy pade hide!

Filipos 3:19

Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

1 Pedro 5:3

Diyan moy ituring a alipin u tolay hide a intiwala nikam nu Diyos nan ipeta moy a maganda kam a halimbawa nide tánni ahigán di kam.

Judas 1:12

Makasanike sakay makasida maski ni makatubang moy la hide a kuman ni magipun-ipun kam a mánnampalataya. Dipo iye hide a tolay ay awan ti págsawa ti kákkan, awan hide mababássog sakay awan dán hide ti iba a páppospusan nan u sadi-sadile dila. U baka-bakán hide a tagapagtoldu ay kumán a diklám a iyáppah la nu pahás, awan hide ti seserbi ta awan magin uden. Kumán be hide a kayo a awan magbunga maski ni sákbunga na dán, nabagut pate u gimot na sakay talaga a natay dán.

Pahayag 13:7

Pinayagan be siya a geraán sakay taluwán u pinile hide nu Diyos. Sakay inatádden siya ti kapangyariyan a mamuno tu atanan a tolay ti munduwáy, tu bawat lahe, banuwan, upos sakay bansa.

Pahayag 16:6

U nangbuno tu pinile mo hide sakay tu propeta hide, ay inatádden mo ti dige tánni inumán de. Ina i dapatay nide!”

Pahayag 17:6

Netan ko i bábbiyan iye a lasing tu dige nu pinile hide nu Diyos, sakay tu dige nu binábbuno na hide dipo tu kássunud de ni Jesus. Nagtakaák tu pákketa ko nikuna.