Mateo 24:44 - U Maganda A Baheta Ni Jesu-Cristo

⁴⁴ Kaya magin handa kam a pirmi dipo dumemát u Anak nu Tolay tu panahon a awan moy asaan.”

Mateo 24:44 ပူးပေါင်းရင်းမြစ်များ

Mateo 24:27

Dipo ni kodya magdemlag u kilat ni magginan gábwat ti sikatan hanggan ti sahámman ay konna labe hod u káddemát nu Anak nu Tolay. Ketan nu atanan sakay bigla.

Mateo 24:42

Kaya magbantay kam dipo awan moy tukoy ni nikan u aldew a umangay u Panginoon moy.

Mateo 24:43

Pakatandaan moy iye: ni tukoy la nu makábbilay ni anya a panahon ti gibi a dumemát u mágtakaw, nagbantay nakwa siya sakay awan na pabayan a sáddápán u bilay na.

Mateo 25:10

Kaya lummakad u limma a awan ti tukoy a mámmadiket. Alay de a namali, dimmemát u lállake a ikasal. U limma a nakahanda ay kaguman nu lállake a ikasal a nakasáddáp tu kasalan. Sakay insirado de u pintuwan nu bilay.”

Mateo 25:13

Kinagi ni Jesus “Kaya magbantay kam, dipo awan moy tukoy u aldew oni u panahon.”

Lukas 12:39

Pero tandaan moy iye, ni tukoy la nu makábbilay ni ánya a odas a dumemát u mágtakaw ay awan dán siya mátdug tánni awan makasáddáp u mágtakaw tu bilay na.

Lukas 12:40

Dapat kam be a pirme a handa, dipo u Anak nu Tolay ay dumemát tu odas a awan moy asa-asaan.”

Lukas 21:36

Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”

Filipos 4:5

Ipeta moy tu atanan a tolay u kabaitan sakay pasensiya moy. Adene dán a dumemát u Panginoon.

Santiagu 5:9

Kákkapatkákka ko hide, dyan kamon mamágsidaan tánni awan kam hatulan nu Diyos. Dipo adene dán u pághatul nu Diyos tu atanan a tolay.

Pahayag 19:7

Dapat kitam a magsaya sakay puriyán tam siya, dipo dummemát dán u kasal nu Tupa. Sakay nakahanda dán u kakasal na a bábbey.