Mateo 24:39 - U Maganda A Baheta Ni Jesu-Cristo

³⁹ Dimmemát u lonsu a awan di namalayan sakay nalemas hide a atanan. Konna labe hod u mangyari tu káddemát nu Anak nu Tolay, awan di maandaman.

Mateo 24:39 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 24:3

Káttapos immangay ti Jesus tu Buked nu Olibo. Alay na hod a keetnod, sekreto siya a tinanong nu disepulus na hide, “Nikan beman a mangyari i bagayan ina hide? Anya u magin palatandaan nu kássoli mo a huway sakay u katapusan nu mundo?”

Mateo 24:30

Káttapos ay pumeta ti langit u tanda nu Anak nu Tolay sakay magdalamhati ti grabe u atanan a bansa. Metan de u Anak nu Tolay a hod tu diklam, dumemát a makapangyariyan sakay grabe a demlag.

Mateo 24:37

U káddemát nu Anak nu Tolay ay pareho tu káddemát nu lonsu tu itod tu panahon ni Noe. Tu itod, u tolay ay naghandaan, naglasingan sakay nagkabanga, hanggan tu aldew a makasáddáp tu dakál a abang ti Noe.

Mateo 24:40

Ti panahonan itod, te duwwa a lállake a magtarabaho tu luta. Alapán u essa sakay mawahak u essa.

Lukas 19:44

Puksaán di kam pate u anak moy hide, awan hide ti ibuha-buhay. Maski u bito hide tu banuwan moy ay awan manatili tu date na a pappagyanan, dipo awan moy pinospos u káddemát nu Diyos a mángligtas nikam.”

Juan 3:20

U tolay a maggimet ti madukás ay umád tu demlag. Adeyuwan de u demlag tánni awan ketan u madukas de a gimet.

Gimet 13:41

‘Hikam a makán upusán ti mágkadukás kontara tu Diyos, Magtaka kam sakay mepahamak! Dipo gimitán ko tu kapanahunan moy u essa bagay a awan moy mapaniwalaan maskin ipakapospos di nikam!’”

Roma 1:28

Dipo umád de a tenggiyan u Diyos, kanya pinabayan na dán hide tu mágkadukás de a isip sakay tu gággimitán de a makadanga-dangát.

2 Pedro 3:5

Umád de a kilalaán a linalang nu Diyos u langet sakay tu luta tu kapangyariyan nu upos na. Nilalang u luta gábwat tu dinom sakay tu pamamag-itan nu dinom.