Mateo 24:36 - U Maganda A Baheta Ni Jesu-Cristo

³⁶ Kinagi pa ni Jesus “Pero awan ti nakatukoy tu aldew sakay panahon nu káddemát ko. Maski u anghel hide ti langit oni u Anak be ay awan na tukoy---u Ama la u nakatukoy ti iye.

Mateo 24:36 ပူးပေါင်းရင်းမြစ်များ

Mateo 24:42

Kaya magbantay kam dipo awan moy tukoy ni nikan u aldew a umangay u Panginoon moy.

Mateo 24:44

Kaya magin handa kam a pirmi dipo dumemát u Anak nu Tolay tu panahon a awan moy asaan.”

Mateo 25:13

Kinagi ni Jesus “Kaya magbantay kam, dipo awan moy tukoy u aldew oni u panahon.”

Markos 13:32

“Awan ti makatukoy tu aldew oni odas, maski u anghel hide ti langet oni hikán a mismo a Anak nu Diyos. U Diyos Ama la u nakatukoy ti iye.

Gimet 1:7

Timmábbeg ti Jesus, “Awan moy kailangan a matukuyan u panahun oni odas a intakda nu Diyos Ama ni nikán a mangyare u bagay hide a itod.

1 Tesalonica 5:2

Dipo tukoy moy dán a u káddemát nu Panginoon ay konna tu káddemát nu mágtakaw ti gibi.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

Pahayag 16:15

Sakay pinisan nu ispirito hide u hare hide tu lugar a dáddulawán a Armagedon, tu upos a Hebreo. (Iye u babala nikam nu Panginoon Jesus, kinagi na a, “Pakasanigán moy! Dumemátták a konna tu káddemát nu mágtakaw! Pinagpala u pirme a lukag sakay awan nageklas tu badu na; tán awan siya mepasanike a maglakad a eklas tu atubang nu katolayan!”)

Pahayag 3:3

Kanya ngani, isipán moy u toldu hide a tinanggap moy sakay nasaneg, sunudán moy ina hide sakay pagsisiyan moy u kasalanan moy hide. Ni awan kam lumukag ay angayák hina a konna tu káddemát nu mágtakaw, awan moy matukuyan u odas nu káddemát ko.