Mateo 24:29 - U Maganda A Baheta Ni Jesu-Cristo

²⁹ Kinagi pa ni Jesus “Káttapos ni pághirapan itod, pagdaka magdiham u aldew sakay awan magdemlag u bulan. Matápduk u biton hide a gábwat ti langet sakay maibutan u kapangyariyan hide a hod ti kalawakan.

Mateo 24:29 ပူးပေါင်းရင်းမြစ်များ

Mateo 24:21

Dipo ti itona a panahon, u tolay hide ay magdanas ti pinakagrabe a pághirap a awan padla nadanas sapul gimetán u mundo hanggan nadid. Sakay awan dán be madanas pa a huway.

Mateo 24:8

Pero u atanan ni iye ay sapul palla nu pághirap hide.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

Pahayag 8:12

Nikuna patánnugán nu kaáppat a anghel u trumpeta na ay nasida u katállo a parte nu aldew, bulan, sakay u biton hide, kaya nawan u katállo a parte a demlag de. Dinumiham u katállo a parte nu aldew, sakay konna bi hod u katállo a parte nu gibi.