Mateo 24:21 - U Maganda A Baheta Ni Jesu-Cristo

²¹ Dipo ti itona a panahon, u tolay hide ay magdanas ti pinakagrabe a pághirap a awan padla nadanas sapul gimetán u mundo hanggan nadid. Sakay awan dán be madanas pa a huway.

Mateo 24:21 ပူးပေါင်းရင်းမြစ်များ

Mateo 24:20

Ipagdasal moy a u kágginan moy ay dyan metaon ti sakdagnen o tu Aldew nu Káimang.

Mateo 24:29

Kinagi pa ni Jesus “Káttapos ni pághirapan itod, pagdaka magdiham u aldew sakay awan magdemlag u bulan. Matápduk u biton hide a gábwat ti langet sakay maibutan u kapangyariyan hide a hod ti kalawakan.

Markos 13:9

“Humanda kam! Dipo dumemát u panahun a itokyon dikam, sakay bálbággán dikam tu sinagoga hide. Imbistigaan dikam tu atubang nu gubernador hide sakay tu hare hide dipo tu kássunud moy nikán. Iye u págkakataun moy para mángkagi nide tungkul nikán.

Lukas 21:24

U agum ay matay hide ti áttak, sakay u agum ay dakáppan sakay ipereso tu iba-iba a bansa. Sakay sakupán nu Hentil hide u banuwan a Jerusalem hanggan matapos u panahun a netakda.”

1 Tesalonica 2:16

Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.

Pahayag 16:18

Káttapos ay nagkilat, nagkádduh, sakay naglinog ti tunay a begsák. Sa iye u kabegsákkan a linog sapul a lalangán u tolay ti munduway. Talaga a tunay iye a begsak!

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.