Mateo 23:8 - U Maganda A Baheta Ni Jesu-Cristo

⁸ Pero hikam ay dyan kam padulaw a maisto dipo essa la u Maisto moy sakay hikam a atanan ay matkaka.

Mateo 23:8 ပူးပေါင်းရင်းမြစ်များ

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 23:10

Dyan kam padulaw a amo dipo essa la u amo moy, u Mesias.

Mateo 23:7

U gusto di pa ay igalang hide tu kakarsada sakay dulawan hide a maisto nu tolay hide.

Mateo 26:25

Ti Judas a mángtokyon nikuna ay nagtanung be, “Maistu, hikán beman?” Timmábbeg ti Jesus, “Hiko dán u nagkagi.”

Mateo 26:49

Kanya inadeniyan ni Judas ti Jesus sakay binati, “Mapiyya a gibi Maistu!” sakay inammuwan na.

Markos 10:51

Tinanung siya ni Jesus, “Ánya i gusto muway a gimitán ko niko?” Timmábbeg u buhák, “Maisto, gusto ko a maketa a huway.”

Markos 11:21

Naalaala ni Pedro u kinagi ni Jesus tu igus. Kanya kinagi na, “Maisto, ilingán mo u kayo a igus a sinumpa mo. Nalanás dán!”

Markos 14:45

Kanya tu káddemát ni Judas ay pagdaka siya a immadene ni Jesus. Sakay kinagi na, “Maisto!” káttapos ay inámmuwan na siya.

Markos 9:5

Kinagi ni Pedro ni Jesus, “Panginoon, mapiyya la ta katoy kami he. Pagbilay mi kam a tállo: ti bábbadit a bilay; essa niko, essa ni Moises, sakay essa ni Elias.”

Lukas 22:32

Pero indaddasal taka a awan manghina u pánnampalataya mo. Ipamenák mo pero pagsisiyan mo labe, kaya gusto ko a tulungan mo u kakagumanan mo hide tánni bumegsák u pánnamplataya de.”

Juan 1:38

Simmuleg ti Jesus sakay nikuna a ketan na hide a umunonod ay tinanung na hide, “Ánya i kailangan moyay?” Timmábbeg hide, “Maisto hádya páppágyanan muway?”

Juan 1:49

Timmábbeg ti Nataniel, “Maisto, hiko u Anak nu Diyos! Hiko be u hare ti Israel!”

Juan 11:8

Timmábbeg hide, “Maisto, tu sangan he a aldew ay laan kitamon a batikalán nu Judio hide. Bakin magsole kitam pa hod?”

Juan 20:16

Kinagi nikuna ni Jesus, “Maria!” Tu kássuleg na ay pimmákhaw siya tu upos ni Hebreo, “Rabboni!” (u gusto na a kagiyán ay “Maisto.”)

Juan 3:2

Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”

Juan 3:26

Kanya immangay hide tu kán Juan sakay kinagi de, “Maisto, maala-ala mo beman u lállake a kaguman mo tu dibilew nu Dinom a Jordan, u impakilala mu ben tu tolay hide? Magbawtismo dám be siya, sakay umangay nikuna u lahus a atanan a tolay.”

Juan 4:31

Nadid, inakit nu disepulus hide ti Jesus a kuman dán.

Juan 6:25

Káddemát nu tolay hide tu dibilew nu Minalno ay netan de ti Jesus sakay tinanung de, “Maisto, nikasangan ka pahe?”

Juan 9:2

Tinanung siya nu disepulus na hide, “Maisto, bakin wád a neenak i lállakeyan ina a buhák, deya u te kasalanan u dáddakál na hide o siya?”

2 Corinto 1:24

Bakán a gusto mi kam a págdipalonguwan tu pánnampalataya moy nan gusto mi la a tumulung tánni magin masaya kam tu pánnampalataya moy. Dipo matatag kamon tu pánnampalataya moy hina.

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

Efeso 3:15

Siya u Ama nu kada pamilya nu tolay a hed ti langet sakay ti lutaáy a simampalataya nikuna.

Filemon 1:16

Bakán dán a alipin nan essa dán a pinakamamahal a kapatkákka. Nepamahal dán siya nikán, pero mas lalo dán niko, bakán la a essa alipin nan kapatkákka mupa tu Panginoon.

Santiagu 3:1

Kákkapatkákka ko hide, awan dapat a makpal nikam u magin tagapagtoldu tu Upos nu Diyos, dipo tukoy moy dán a mas mahigpit u pághatul nikitam a tagapagtoldu hide nan tu agum.

1 Pedro 5:3

Diyan moy ituring a alipin u tolay hide a intiwala nikam nu Diyos nan ipeta moy a maganda kam a halimbawa nide tánni ahigán di kam.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Pahayag 22:9

Pero kinagi na nikán, “Dyan mo ina gimitán! Tagapagserbiyák labe a kapareho mo, konna tu kákkapatkákka mo a prupeta, sakay u atanan a mangsunud tu upos hide ti libruwan iye. U Diyos i sambaán muway!”