Mateo 23:26 - U Maganda A Baheta Ni Jesu-Cristo

²⁶ Buhák kam Pariseo hide! Linisán moy pa u atoy disalad nu tasa sakay nu penggan moy sakay magin malinis labe u luwas!

Mateo 23:26 ပူးပေါင်းရင်းမြစ်များ

Mateo 12:33

Kinagi pa ni Jesus “U kayu ay matukuyan tu bunga na. Ni alagaan mo u kayu ay magin maganda u bunga na hide peru ni awan mu siya alagaan ay magin madukás u bunga na hide.

Mateo 14:8

Dipo tu utus nu ina na ay kinagi nu madiket ni Herodes a “Mahal a hare, gustu ko a iyatád mo nikán u ulo ni Juan a mágbawtismo a nakadátton tu dakál a penggan.”

Markos 7:4

Kággábwat de ti palengke ay awan hide kuman mentaras a awan hide makadigus. Sakay makpal palla hide a sunudán a kaugaliyan ni kodya u págguges tu iba de a kasangkapan.

Lukas 11:39

Kinagi nikuna nu Panginoon, “Hikam a Pariseo hide, áugisan moy u luwas nu baso sakay u penggan pero u puso moy ay makasadile sakay putat ti kadukássan!

Lukas 6:45

Konna labi iye tu tolay, u mabait a tolay ay makapangatád ti maganda dipo mabait siya. U madukás a tolay ay makapangatád ti madukás dipo putat ti kadukássan u puso na. Dipo ni ánya u lumuwas tu labi nu tolay ay siya labe u atoy tu puso na.”

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Hebreo 10:22

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Santiagu 4:8

Umadene kam tu Diyos tánni umadene siya nikam. Kanya hikam a makasalanan hide, iyemang moy dán u pággagimet ti madukás, sakay u pabagu-bagu hide ti isip, diyan kamon magduwwa-duwwa ti isip a sumunud tu Diyos.