Mateo 22:16 - U Maganda A Baheta Ni Jesu-Cristo

¹⁶ Kaya pinaangay de nikuna u sangan tu disepulus de hide a kaguman u sangan a sakop ni hare Herodes. Kinagi de, “Maistu, tukoy mi a hiko ay matapat sakay itáttoldo mo u buo a tatahoden a gusto nu Diyos a gimetan nu tolay hide. Awan ka ti piliyán dipo pareho u pangileng mo tu atanan a tolay.

Mateo 22:16 ပူးပေါင်းရင်းမြစ်များ

Mateo 22:24

“Maisto, intoldo ni Moises a ni matay a awan ti anak u essa a lállake, u kapatkaka na u dapat mangkabanga tu bilo para magkaanak hide para tu natay.

Mateo 22:26

Kona labe u nangyari tu kaduwwa, tu kátallo hanggan tu kápitto. Natay hide a atanan.

Mateo 26:18

Timmábbeg siya, “Angay kam ti dibanuwan sakay ehyokan moy u essa a tolay. Kagiyán moy nikuna a kona he u ipekagi nu Maistu mi ‘Adeni dán u panahon ko. Hikán sakay u disepulus ko hide ay tu bilay mo a kuman tu pangngapon nu Aldew nu Págtaleb.’ ”

Mateo 26:49

Kanya inadeniyan ni Judas ti Jesus sakay binati, “Mapiyya a gibi Maistu!” sakay inammuwan na.

Markos 10:17

Nadid, nikuna a palakad dán di Jesus ay tehhod a lállake a nagginan a immadene nikuna, limmuhud siya sakay nagtanung, “Mahusay a maisto, kagiyán mu ped ni ánya i gimitán kuway para magkahodák ti biyag a awan ti kahád?”

Markos 12:13

Nadid, pinaangay nu pinuno nu Judio hide tu kán Jesus u sangan a Pariseo, sakay u sangan a alagad ni Herodes para bantayan de u kákkagiyán na para tehhod hide a mesihe a kontara nikuna.

Markos 12:14

Immadene hide sakay kinagi de nikuna, “Maisto, tukoy me a tatahoden u kákkagiyán mo, sakay awan ka ti ayunan. Dipo awan ka umileng tu kalagayan nu tolay, nan ni ánya u tatahoden a tungkul tu kaluuben nu Diyos u itáttoldu mo. Nadid, tama beman a magbayad kitam a Judio ti buwes ni Cesar a hare ti Roma?”

Markos 3:6

Kanya limmakad a agad u Pariseo hide sakay nákpágguhon tu tagasuporta hide ni Herodes para ipabuno de ti Jesus.

Markos 8:15

Kinagi nide ni Jesus, “Magingat kam tu págpaalsa nu Pariseo hide sakay ti Herodes.”

Lukas 20:21

Essa aldew kinagi nu espiya hide ni Jesus, “Maisto, tukoy me a tama atanan ni kákkagiyán sakay itáttoldu muwe. Tukoy mi be a awan ka manuyo tu te mataas a tungkulin a tolay, nan itoldu mo u tatahoden a kagustuwan nu Diyos a gimitán nu tolay hide.

Lukas 7:40

Tukoy ni Jesus u katoy tu isip ni Simon, kaya kinagi na, “Simon, tehhodák a kagiyán niko.” “Ánya itod, maisto?” kagi ni Simon.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 18:37

Kinagi ni Pilato, “Ni konna hod ay essa ka a hare?” Timmábbeg ti Jesus, “Tama u kinagi mo a hariyák. Sakay ina u dahilan ni bakin a neenakák sakay immangay he ti munduwáy ay para ibaheta u tatahoden. U atanan a makatukoy tu tatahoden ay mágsaneg nikán.”

Juan 7:18

U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

2 Corinto 5:16

Kaya nadid, u pangileng mi dán tu atanan ay awan dán neayun tu sukatan nu tolay hide a awan mangkilala tu Diyos. Tu itod ay konna hod u pákkatukoy me ni Cristo, pero nadid ay awan dán.

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Galacia 2:6

U punu nu mánnampalataya hide ti Jerusalem ay awan be ti nakagi. Awan ti halaga nikán ni ti deyaman hide, dipo awan ti paboran u Diyos.

1 Tesalonica 2:4

Tinanggap kame nu Diyos sakay pinagkatiwalaan tu págpakapospos tu Maganda a Baheta. Inpakapospos me iye, bakán a para pasayaán u tolay hide nan u Diyos a makatukoy tu bawat puso tam.

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.