Mateo 21:41 - U Maganda A Baheta Ni Jesu-Cristo

⁴¹ Timmábbeg u pupuno hide, “Pahirapan sakay bunuwán na u mágkadukás a itod hide sakay ipatarabaho u ubasan tu iba a mangatád nikuna tu kabunong na tu panahon ni sákbudas.”

Mateo 21:41 ပူးပေါင်းရင်းမြစ်များ

Mateo 21:34

Nikuna a dimmemát u panahon nu sákbudas, pinaangay na u utusan na hide para alapán di u kabunong na.

Mateo 21:40

Káttapos nu talinghaga ay tinanung hide ni Jesus, “Kássoli nu te kao tu ubasan, anya wád u gimitán na tu mágtarabaho hide?”

Mateo 21:43

Kaya ngane kagiyan ko nikam: Bakán dán a hikam u pághariyan nu Diyos ni awan u bansa a magserbi nikuna ti matapat.

Mateo 3:12

Siya u maghatul tu atanan a tolay. Ihiwalay na u mabait a tolay hide sakay tu madukás a tolay hide. Konna tu essa a tolay a ihiwalay na u bunga hide tu yaut. Puhunán na u bunga hide tu bilay na sakay tutudán na u yaut hide. Kanya magsisi kam tánni awan na kam parusaan tu apoy a awan maadaadáp a konna tu yaut a tinutod nu tolay.”

Lukas 20:16

“Angay siya hod sakay bunuwan na u katiwala hide tu kaubasan sakay iyatád na tu agum u uma na.” Pákkasaneg nu tolay hide tu kinagi na ay kinagi de, “Dyan nakwan iye ipakultad nu Diyos a mangyare!”

Gimet 15:7

Káttapos nu atakdug a pamágtábbegan ay timmaknág ti Pedro sakay kinagi na nide, “Kákkapatkákka ko hide, tukoy moy a piniliyák nu Diyos para ipangaral tu Hentil hide u Maganda a Baheta tánni sumampalataya be hide.

Gimet 18:6

Nikuna kinontara de siya sakay ininsulto ay impagpag na u alikabuk tu badu na, bilang babala nide. Kinagi na, “Kasalanan moy dán ina ni mepahamak kam! Awanák dán ti pananagutan nikam! Sapul nadid ay hedák dán mangaral tu Hentil hide.”

Gimet 28:28

Kinagi pa ni Pablo, “Kanya nadid gustu ko a matukuyan moy a iye a impakapospos ko nikam tungkul tu kaligtasan a gubwát tu Diyos ay impáppangaral dán tu Hentil hide sakay hide pa u naniwala ti iye!”

Gimet 28:8

Nagkataun a te saket u ama ni Publio dipo maladu sakay magkurso. Kanya binisita siya ni Pablo, káttapos na a ipagdasal ay intupo na u kamát na tu te saket sakay nagpiyya.

1 Tesalonica 2:16

Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.

Hebreo 12:25

Kanya magingat kam, sakay diyan moy adiyan u Diyos a magupos nikitam. Dipo u awan hide nágsaneg tu nagupos hide tu itod ti lutaáy ay awan nakaligtas tu parusa! Nadid, kodya kitam makaligtas ni umád kitam a mágsaneg tu magupos a gábwat ti langet?

Hebreo 2:3

Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.