Mateo 20:24 - U Maganda A Baheta Ni Jesu-Cristo

²⁴ Nikuna a nasaneg iye nu agum a sapulo, nagngal hide tu matkaka.

Mateo 20:24 ပူးပေါင်းရင်းမြစ်များ

Mateo 20:23

Kinagi ni Jesus, “U hirap ko ay makayanan moy ngane. Pero bakán a hikam u mangpile ni deya u umetnud tu kawanan sakay tu kawihi ko. Itona hide a inagid moy ay para tu pinaghandaan hide nu Ama ko.”

Mateo 20:25

Kaya pinaadeni hide ni Jesus a atanan sakay kinagi na nide, “Tukoy moy a u pupuno nu awan hide maniwala tu Diyos ay maghare tu tolay na hide. Sakay hide i dapatay a masunod ni anya man u gusto de.

Markos 10:14

Nikuna a ketan ni Jesus u nangyare ay nagingál siya, sakay kinagi na tu disepulus na hide, “Pabayan moy a umadene nikán u anak hide, diyan moy hide bawalan, dipo maghare u Diyos tu anak hide.

Markos 10:41

Nikuna a matukuyan nu sapulo a disepulus ni ánya u inaged di Santiagu ay ti Juan ay nagingál hide nide.

Lukas 13:14

Pero nágngál u puno nu sinagoga dipo nagpapiyya ti Jesus tu Aldew nu Káimang, kaya kinagi na tu tolay hide, “Tehhod a ánnam a aldew a nelaan para tu págtarabaho. Umangay kam ti aldiwan ina para mapagpiya u bábbatiyan moy, bakán a tu Aldew nu Káimang.”

1 Corinto 13:4

U tolay a te págmahal ay matiyaga sakay mabait, awan masássállapán, awan hambug, oni mapagmadakál.

Filipos 2:3

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam.

Santiagu 3:14

Pero ni pagka masásseniyán sakay pagka makasadile u hod tu puso moy, ay dyan moy ipagmadakál a tehod kam a karunungan dipo kakabuliyan moy la ina sakay awan nikam u tatahoden.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”