Mateo 20:22 - U Maganda A Baheta Ni Jesu-Cristo

²² “Awan moy tukoy u agidán moy,” kagi ni Jesus nide. “Makaya moy beman a tággadan u hirap a tiisán ko?” “On,” tábbeg de.

Mateo 20:22 ပူးပေါင်းရင်းမြစ်များ

Mateo 26:35

Pero kinagi ni Pedro, “Maski ni bunuwanák de ay awan ta ka ipamen.” Sakay kona labe hod u kinagi nu agum a disepulus na hide.

Mateo 26:39

Immadeyo ti Jesus ti sabadit, dinumapa siya sakay nagdasal a, “Ama ko, ni maaari ay ibutan mo nikán i pághirapan iye. Pero bakan a u gusto ko ni awan u gusto mo u mangyare.”

Mateo 26:42

Huway siya a ummadeyo sakay nagdasal “Ama ko, ni awan maari ibutan i pághirapan iye ni awan ko magimet ay sunudán ko u kagustuwan mo.”

Mateo 26:56

Pero nangyari iye a atanan tánni matupad u insulat nu propeta hide tu Kasulatan.” Káttapos ay ginuminan u disepulus na hide sakay inwahak di siya a maggeessa.

Markos 14:36

Impagdasal na, “Ama, Ama ko! Tukoy ko a magimet mo u atanan a bagay. Ni maare ay diyanák mo ped pabayan a maghirap. Pero bakán a u kagustuwan ko u masunud nan u kagustuwan mo.”

Lukas 12:50

Pero bagu iye mangyare ay magdanasák pa ti dakál a hirap. Mabalisaák dán mentaras awan palla iye matupad.

Lukas 22:42

Kinagi na, “Ama, ni maare ay iyadeyo ped nikán i pághirapan iye. Pero bakán a u kagustuwan ko u masunud nan u kagustuwan mo.”

Juan 18:11

Kinagi ni Jesus ni Pedro, “Isahungan mo i áttak muwe. Tu ileng mu beman ay awan ko tiisán u pághirap a iyatad nikán nu Ama?”

Roma 8:26

Sakay tulungan kitam nu Banal a Ispirito tu kahinaan tam. Awan tam tukoy ni kodya kitam a magdasal, kanya u Ispirito u mamagitan nikitam tu Diyos tu paraan a awan tam kaya a ikagi.

Santiagu 4:3

Sakay maskin magaged kam tu Diyos ay awan nakam atádden dipo madukás u katoy tu isip moy sakay gusto moy la a masunud u mágkadukás moy hide a kagustuwan.