Mateo 2:12 - U Maganda A Baheta Ni Jesu-Cristo

¹² Nadid linakad de u iba a dilan a soli tu bansa de dipo binawalan hide nu Diyos tu pamamagitan nu tagináp a dyan dán hide soli ni Herodes.

Mateo 2:12 ပူးပေါင်းရင်းမြစ်များ

Mateo 1:20

Pero nikuna a nabuo dán tu isip na a gimitán iye ay pinumeta u essa a anghel nu Panginoon nikuna tu tagináp na. Kinagi nu anghel nikuna, “Jose a lahe ni David, dyan ka magduwaduwa a mangkabanga ni Maria, dipo u anak a katoy tu tiyan na ay gimet nu kapangyariyan nu Banal a Ispiritu.

Mateo 2:13

Nadid nikuna nakahektat dán u Mágkalalaki hide a tolay ay pinumeta u essa a anghel nu Panginoon ni Jose tu tagináp na. Sakay kinagi na “Umikát ka dán Jose. Iyangay mo ti Egipto u matina mo sakay dyan kam lumakad hod hanggan awan ko kagiyán niko. Dipo ehyukán ni Herodes u anak para bunuwán.”

Mateo 2:19

Nadid nikuna a natay ti Herodes, ay te essa a anghel nu Panginoon a pinumeta tu tagináp ni Jose hod ti Egipto.

Mateo 2:22

Pero nikuna nabaheta ni Jose a u pinumalit ni Herodes bilang hare ti Judea ay u anak na a ti Arquelao ay nanteng siya a sumoli hod. Sakay binawalan siya nu Panginoon tu pamamagitan nu tagináp kanya immangay siya ti Galilea.

Mateo 27:19

Bakán la a ina. Alay na a nakaetnud tu pághukoman, impekagi nikuna nu kabanga na, “Dyan ka mák-alam ti tolayan ina a awan ti kasalanan dipo tu gibi he ay pinahirapanák nu tagináp ko a patungkol nikuna.”

Lukas 2:26

Inhayag dán nikuna nu Banal a Ispirito a awan siya matay mentaras a awan na ketan u Cristo a inpananto nu Panginoon.

Gimet 10:22

Kanya kinagi de, “Pinaangay kame he nu kapitan nu sundalo hide a ti Cornelio. Mabait siya a tolay sakay te ánteng tu Diyos, igággalang siya nu atanan a Judio. Kinagi nikuna nu anghel nu Diyos a paangay na ka sakay sanigán na u kagiyán mo.”

Gimet 4:19

Pero timmábbeg ti Pedro sakay ti Juan, “Hikamon i manghatulay ni ánya u tama sakay ni ánya u maganda tu atubang nu Diyos; sunudán mikam beman oni sunudán me u Diyos?

Gimet 5:29

Pero timmábbeg ti Pedro sakay u agum hide a apostol, “U Diyos u dapat me a sunudán, bakán a u tolay.

1 Corinto 3:19

Dipo u karunungan ti munduwan iye ay awan ti kabuluhan tu pangileng nu Diyos. Konna he u nakasulat tu Kasulatan, “Ekhutan nu Diyos u mágkalalake hide tu kalalakiyan di labe.”

Hebreo 11:7

Dipo tu pánnampalataya ay sinaneg ni Noe u babala nu Diyos tungkul tu bagay hide a mangyare a awan na palla netan. Kanya naggimet siya ti essa a dakál a abang tán maligtas siya sakay u pamilya na. Dipo hod ay nahatulan u tolay hide ti munduway, pero ti Noe ay nebilang a matuwid dipo tu pánnampalataya na tu Diyos.

Hebreo 8:5

U tungkulin de ay inaheg dila sakay anino nu katoy ti langet. Dipo nikuna a itaknág ni Moises u tolda ay kinagiyan siya nu Diyos, “Gimitán mo u atanan a bagay a ayun tu impeta ko niko tu buked.”