Mateo 2:11 - U Maganda A Baheta Ni Jesu-Cristo

¹¹ Kássáddáp de tu bilay ay netan de u anak a kaguman nu ina na a ti Maria. Limmuhud hide sakay dinumapa bilang pággalang de nikuna. Káttapos ay inluwas de u regaregaro de sakay inyatád de nikuna u regaregaro de a ginto, pasáppot a suub sakay mira.

Mateo 2:11 ပူးပေါင်းရင်းမြစ်များ

Mateo 1:18

Nadid konna he i istoryaay nu kákkaenak ni Jesu-Cristo: Ti Maria a ina ni Jesus sakay ti Jose ay nasakad dán. Pero bagu hide a nagagum ay nagbuktet ti Maria tu pamamagitan nu kapangyariyan nu Banal a Ispiritu.

Mateo 12:46

Nadid alay nu pággupos ni Jesus tu katolayan ay dummemát u ina sakay kapatkákka na hide a lállake. Nágtaknág hide tu luwas nu bilay sakay gusto de siya a uhunán.

Mateo 14:33

Sinamba siya nu disepulus na hide, kinagi de “Talaga a hiko ngane u Anak nu Diyos.”

Mateo 2:10

Tunay ti saya u mágkalalaki hide a tolay a gábwat ti Sikatan nikuna netan de a immimang u biton.

Mateo 2:2

Nágtatanungán hide tu tolay hide a mágyan hod “Hádya a neenak u anak a magin Hari nu Judio hide? Netan me hod ti Sikatan a lummitaw u biton a tanda nu kákkaenak na. Kanya inumangay kami he para ipeta mi u págsamba me nikuna.”

Lukas 2:16

Pagdaka hide a immangay ti Betlehem, káddemát di hod ay netan de di Maria ay ti Jose sakay u anak a kekatdug tu bahahungan.

Lukas 2:38

Ti odas biyan itod ay immadene be ti Ana tu kád Jose ay ti Maria, sakay nagpasalamat tu Diyos. Nagupos be siya tungkul ni Jesus tu maguhay hide tu págligtas nu Diyos tu lahe ni Israel.

Juan 19:39

Inaguman siya ni Nicodemo, u lállake a bimmisita tu itod ni Jesus tu essa a gibi. Tettawed ti Necodemo a mga tallo pulo a kilo a pasáppot a halo-halo a gábwat ti kayo.

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Pahayag 5:8

Nikuna a alapán na iye ay limmuhud tu atubang nu Tupa u áppat a linalang a biyag sakay u duwwa a pulo ay ti áppat a tagapangasiwa. Bawat essa ay tehhod a táttawed a alpa sakay tehhod a ginto a malukung a putat ti insenso. Saiye u dasal nu tolay hide nu Diyos.