Mateo 19:27 - U Maganda A Baheta Ni Jesu-Cristo

²⁷ Sakay nagupos ti Pedro, “Panginoon tukoy mo a nilakaden mi u atanan sakay hikame ay summunod niko. Anya u magin gantipala mi?”

Mateo 19:27 ပူးပေါင်းရင်းမြစ်များ

Mateo 19:26

Inileng hide ni Jesus sakay kinagi, “Awan talaga iye magimet nu tolay, pero magimet nu Diyos u atanan a bagay.”

Mateo 19:28

Kinagi nide ni Jesus, “Pakatandaan moy iye: ni maghare dán u Anak nu Tolay tu kapangyariyan na tu paddemát a mundo a itatag nu Diyos, hikam a sumunod nikán ay maatádden labe ti kapangyariyan para hatulan u sapulo ay ti duwwa a lahi ni Israel.

Mateo 9:9

Nadid nikuna linumakad ti Jesus hod ay tinaleban na u essa a tolay a mággetnod tu lugar a págkulektaan ti buwes. Ti Mateo u ngahan nu tolay a tagakulekta ti buwes. Kinagi ni Jesus nikuna “Mákkuyog ka nikán para magin disepulus ko.” Kanya tinumaknág ti Mateo, linakaden na u tarabaho na. Sakay nákkuyog siya ni Jesus.

Markos 10:28

Kinagi nikuna ni Pedro, “Kodya kami be? Linakaden me u atanan para sumunud niko.”

Markos 2:14

Mentaras a maglakad ti Jesus ay netan na a mággetnod tu págsingihan ti buwes ti Levi a anak ni Alfeo. Kinagi nikuna ni Jesus, “Mákkuyog ka nikán” Tummaknág be ti Levi sakay nákkuyog ngani nikuna.

Lukas 14:33

Konna bi hod, awan maare a magin disepulus ko u maskin deya ni awan na adággen u atanan a katoy tu biyag na.”

Lukas 15:29

Pero kinagi nu panganay, ‘Nagserbiyák niko ti makpal a taon sakay maski nikan ay awan taka sinuway. Pero maski ni pumensan ay awanák mo inatádden maskin essa a bul-o a kambing para pagkasayaan me ay tu barkada ko hide.

Lukas 18:28

Sakay kinagi ni Pedro, “Ilingan moy, linakadan mi dán u bilay mi hide para sumunud niko.”

Lukas 5:11

Nikuna nedek di dán u abeng de hide ay linakaden de itod a atanan sakay immunonod hide ni Jesus.

1 Corinto 1:29

Kaya awan ti tolay a maare a magmadakál tu atubang nu Diyos.

1 Corinto 4:7

Ánya i nanglamangan moyay tu agum? Awan beman atanan a katoy nikam ay gábwat tu Diyos? Ni konna hod, bakin a ipagmadakál moy ina a kumán a awan kaluub nikam nu Diyos?

Filipos 3:8

On, imbilang ko a awan ti kabuluhan u atanan a bagay bilang kapalit nu mas lalo a mahalaga, u pákkatengge ko ni Cristo Jesus a Panginoon ko. U atanan a bagay ay impalagay ku dán a awan ti kabuluhan, magpasakupák la ni Cristo,