Mateo 19:22 - U Maganda A Baheta Ni Jesu-Cristo

²² Pákkasaneg na ni iye, malungkot a humektat u ulito, dipo siya ay tunay ti yaman.

Mateo 19:22 ပူးပေါင်းရင်းမြစ်များ

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Mateo 14:9

Nikuna a nasaneg iye ni Herodes ay nalungkut siya pero awan siya ti magimet dipo nakapananto siya tu atubang nu makpal a bisita. Kanya inyutus na tu sundalo na a iyatád u inaged nu madiket.

Mateo 16:26

Anya u maalap nu essa a tolay ni makao na u buo a mundu pero ni u kapalit be ni iye ay u biyag na? Anya u maari a mebayad nu essa tolay para mesoli nikuna u biyag na?

Mateo 19:21

“Ni gusto mo a magin karapatdapat tu Diyos, angay mo ilako u ari-arian mo sakay iyatád mo tu pobre hide u naglakuwan. Ni gimetán mo iye, magkahod ka ti kayamanan ti langit. Káttapos ay sumoli ka he sakay sumunod nikán,” tábbeg ni Jesus.

Mateo 19:23

Kinagi ni Jesus tu disepulus na hide, “Kagiyán ko nikam: mahirap mebilang u mágkayaman hide tu pinaghariyán dán hide nu Diyos!

Mateo 6:24

Sakay kinagi pa ni Jesus “Awan ti makapagserbi ti duwwa a amo dipo kaiyamután na u essa sakay mahalán na u essa oni mas magin matapat siya tu essa nan tu essa. Awan moy maare a sabayán a pagserbiyan u Diyos sakay u kayamanan.

Markos 10:22

Pákkasaneg hod nu lállake ay nalungkut siya a limmakad dipo tunay siya ti yaman.

Markos 6:26

Tu pákkasaneg hod nu hare ay tunay u lungkut na, pero dipo nagpananto siya tu atubang nu bisita na hide ay awan siya maka-adi tu madiket.

Lukas 18:23

Pero nikuna masaneg na iye ay nalungkut siya, dipo mayaman siya a tahod.

Juan 16:20

Tatahoden, magsanget kam sakay maglungkut tu mangyare nikán, pero masaya u taga-mundu hide. Mágkalungkut kam, pero u kalungkutan moy ay mapalitan ti kasayaan.

Efeso 5:5

Tukoy moy a awan makaangay tu kahariyan ni Cristo sakay tu Diyos u tolay hide a mángngibábbey oni mangilállake, mágkalaswa, sakay sakim (dipo u kasakiman ay págsamba tu diyos-diyosan.)

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.