Mateo 19:21 - U Maganda A Baheta Ni Jesu-Cristo

²¹ “Ni gusto mo a magin karapatdapat tu Diyos, angay mo ilako u ari-arian mo sakay iyatád mo tu pobre hide u naglakuwan. Ni gimetán mo iye, magkahod ka ti kayamanan ti langit. Káttapos ay sumoli ka he sakay sumunod nikán,” tábbeg ni Jesus.

Mateo 19:21 ပူးပေါင်းရင်းမြစ်များ

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Mateo 19:20

Kinagi nu ulito, “Nagimet ko dán ina a atanan. Anya pa wád u dapat ko a gimetán?”

Mateo 19:22

Pákkasaneg na ni iye, malungkot a humektat u ulito, dipo siya ay tunay ti yaman.

Mateo 19:28

Kinagi nide ni Jesus, “Pakatandaan moy iye: ni maghare dán u Anak nu Tolay tu kapangyariyan na tu paddemát a mundo a itatag nu Diyos, hikam a sumunod nikán ay maatádden labe ti kapangyariyan para hatulan u sapulo ay ti duwwa a lahi ni Israel.

Mateo 4:19

Sakay kinagi na nide “Kumuyog kam nikán dipo tolduwan takam ni kodya a magakit ti tolay para sumunud hide nikán.”

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Mateo 8:22

Pero tinábbeg siya ni Jesus “Kumuyog ka dán nikán nadid, ipabahala mu dálla u páglábbáng tu awan naniwala tu awan labe naniwala tu Diyos.”

Mateo 9:9

Nadid nikuna linumakad ti Jesus hod ay tinaleban na u essa a tolay a mággetnod tu lugar a págkulektaan ti buwes. Ti Mateo u ngahan nu tolay a tagakulekta ti buwes. Kinagi ni Jesus nikuna “Mákkuyog ka nikán para magin disepulus ko.” Kanya tinumaknág ti Mateo, linakaden na u tarabaho na. Sakay nákkuyog siya ni Jesus.

Markos 10:21

Inileng siya ni Jesus, a tehhod a págmahal sakay kinagi na nikuna, “Essa pa a bagay u dapat mo a gimitán. Ilako mo u ari-ariyan mo sakay u pilak a naglakuwan mo ay iyatád mo tu mágkahirap hide tánni magkahod ka ti kayamanan ti langet. Káttapos ay soli ka sakay sumunud ka nikán.”

Markos 2:14

Mentaras a maglakad ti Jesus ay netan na a mággetnod tu págsingihan ti buwes ti Levi a anak ni Alfeo. Kinagi nikuna ni Jesus, “Mákkuyog ka nikán” Tummaknág be ti Levi sakay nákkuyog ngani nikuna.

Markos 8:34

Pinaadeni ni Jesus u tolay hide pati u disepulus na hide sakay kinagi na nide, “Ni ti deyaman u masoh a sumunud nikán ay awan na dapat idipalongo u sadile na, sakay nakahanda a maghirap maskin hanggan tu kamatayan sakay sumunud nikán.

Lukas 12:33

Ilako moy u kabiyagen moy hide sakay iyatád moy tu mágkahirap hide u naglakuwan moy! Tánni makaipun kam ti kayamanan ti langet. U maipun moy hod a kayamanan ay awan magdadate one maubu-ubus sakay awan ti makasasáddáp a mágtakaw sakay awan makuta-kutam.

Lukas 14:33

Konna bi hod, awan maare a magin disepulus ko u maskin deya ni awan na adággen u atanan a katoy tu biyag na.”

Lukas 16:9

Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet.

Lukas 18:22

Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Lukas 5:27

Káttapos ni pangyayariyan itod ay limmuwas ti Jesus tu bilay. Netan na u essa a mágsingeh ti buwes, u ngahan na ay ti Levi. Mággetnod siya tu págsingihan ti buwes. Kinagi nikuna ni Jesus, “Kumuyog ka nikán.”

Lukas 6:40

Awan ti disepulus a mas higit tu maisto na. Pero ni matolduwan dán ti husto ay magin konna siya tu maisto na.”

Lukas 9:23

Sakay kinagi na nide a atanan, “Ni deya man u masoh a sumunud nikán ay kailangan a kalimunan na u para tu sadile na. Báklayán na aldew-aldew u kudus na sakay sumunud nikán.

Juan 10:27

Mágsaneg nikán u tupa ko hide. Tukoy ko hide sakay sumunud hide nikán.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Gimet 2:45

Inlako de u atanan nu kabiyagen de hide sakay u naglakuwan de ay impagatád de tu kakaguman de hide sigun tu pangangailangan nu balang essa.

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.